2015 жылдың 22 шілдесінде Абай атындағы кітапхананың оқырмандарға қызмет көрсету бөлімінің ұйымдастыруымен, қала тұрғындары және қонақтарына арнап, орталық саябақта «Жазға – кітаппен бірге!» тақырыбында оқу марафонын өткізді.
2015 жылдың 22 шілдесінде кітапхананың «Абайдың рухани орталығында» ұлы Абайдың 170 жылдық мерейтойына арналған «Абайдың қайраткерлік тұлғасы: Сирек басылым беттерінен» тақырыбында дәріс өтті. Шараның мақсаты сирек басылымдар қорындағы ұлы Абай тұлғасына қатысты құнды құжаттармен кітапхана пайдаланушыларын таныстыру.
21 шілде күні Абай атындағы кітапхана қызметкерлері «Жазғы демалыс» бағдарламасы бойынша, ұрпақ тәрбиесінде ең тиімді тәрбие құралы ретінде қазақ ертегілерінің тәрбиелік мәні мен маңызы жайында қаладағы Жастар кешені жаздық лагерь демалушыларына «Әжемнің ертегілері» атты сазды сағат өткізді.