Наш телефон: 8 (7222) 52 04 94 · semeybib@yandex.kz

Новые поступления

Жанболатұлы Молдабек. Тобықты Қараменде Баба: Тарихи – танымдық зерттеулер мен аңыз- әңгімелер, арнаулар жинағы.- Алматы: « Информ- Арна» баспасы, 2019.- 456 + 28 жапсырма бет.
Жинаққа ХVIII ғасырда өмір сүрген, Әнет бабаның өсиетін тыңдап, батасын алған, халқымыздың қасірет болған «ақтабан шұбырынды, алқакөл сұламаны» басынан кешірген Қараменде Шақаұлының (1707 -1797) өмір сүрген ғибратты өмірі топтастырылған.

Халқы Баба деп атаған – Қараменде би Абылай ханның сенімді серігі, Қаз дауысты Қазыбек, Бұқар жырау, Кеңгірбайдай билермен иық тіресіп ел мүдесін қорғаған, халық батырлары Мамай, Жалаңтөс, Жәнібектермен қанды көйлек дос болған, дуалы ауыз шешен, әділ би, халық қамқоршысы болып танылған тарихи тұлға. Өз өмірін, ақыл-ой, күш- қайратын халқына адал қызмет етіп, ұрпағына кемеңгерліктің, даналықтың ұлағаты мол мұрасы мен үлгісін қалдырған киелі Қараменде би, батыр, шешен бабамыздың бар ақиқатты дерегі халық жадында сақталған. Тарихи туынды жас ұрпақты отаншылдыққа тәрбиелеуге зор көмегін тигізеді деп қалың оқырман қауымға ұсынылып отыр.

Досжанова С. Менің жалғыз серігім: өлеңдер мен поэмалар. Алматы: «Қаратау КБ» ЖШС; «Дәстүр», 2015. – 288 бет.
Белгілі ақын Сәуле Досжанованың бұл жинағы жыр әлеміндегі үшінші кітабы. Бірнеше жыр мүшараларының жүлдегері Сәуле Досжанова бұл жаңа жинағында Тәуелсіз Қазақстан мен Астананы, ардақты жарын, сырлас достары мен замандастарын тебірене жырлайды.Сәуле лирикасы осы күнгі заманында бірде сүрініп, бірде тұрып, бірде жеңіп, бірде жеңіліп өмірдің шаппай бар бәйгесіне түсіп жүрген кейіпкерімізді әр қырынан көрсетуімен құнды. Сондықтан автор үшін мына тіршілік күресі, өмір керуені – ғажайып поэзия.

Babataiuly D, Osietnama – Shakarim yniversiteti, 2019j.- 152 bet.
Сөз асылын таңдап терген зерделі ақынның « Өсиетнамасы» — әп- сәтте жан дүниеңді жаулап алатын қазақ сөз өнерінің жауһары.
Ұлы Шыңғысхан тізе бүктіре алмаған елдей «Өсиетнама» күші рухани келешегі зор жастарға тізе бүктірмейтін ой мен сөз батырлығы тәрбиесін беретініне сенімдіміз.

Динмухамед Кунаев.- Алматы: «Аруна», 2015- 24 с.- Серия « Великие личности».
Говорят, политика- это искусство возможного. Судя по итогам жизни Кунаева, этим искусством он владел в совершенстве. Динмухамед Ахмедович Кунаев – человек, который внес значительный вклад во благо светлого будущего Казахстана. Издательство « Аруна» предлагает вниманию читателей книгу из серии « Великие личности» о жизни и деятельности талантливых, знаменитых людей. В данных изданиях вы сможете ознакомиться не только с биографическими данными, но и интересными фактами из жизни человек с именем которого связано становление Казахстана как одной из сильных и развитых республик бывшего Союза, оставивший яркий след в мировой истории. В книге описываются период становления личности Динмухамеда Ахмедовича, его неоценимый вклад в развитие родной земли.

Қабылқақ А. Рахымжанның көз жасы: эсселер мен рецензиялар/ А. Қабылқақ. – Астана: Фолиант, 2019. – 120 б.
Жаңа заманның заңғар жазушысы Рахымжан Отарбаев шығармашылығы – жан –жақты, терең де байпты талдауды қажет ететін құпия- сыры мол ғажап дүние. Ол жаңашыл шығармалары арқылы ұлттық әдебиетті жаңа биікке көтерді һәм халықтың рухани байлығын өлшеусіз байытты.Сыншы, әдебиеттанушы Анар Қабылқақтың бұл жинағына жазушының прозалық шығармалары негізге алынған әдеби зерттеу еңбектері еніп отыр.

Макин Қайыржан қажы. Абай жаққан алау.Танымдық мақалалар мен ой- толғамдар (авторы әрі құрастырушысы Қайыржан қажы Макин). – Алматы: ТамырЖШС, 2020.- 336 б.
Өмірдің өзекті мәселелеріне тынбай қалам толғап келе жатқан танымал қаламгер, Абайдың немере інісі Қайыржан қажы оқырмандарына кезекті кітабын тарту етіп отыр. Бұл кітабында елдік пен ерлікті, ынтымақ пен бірлікті, дін мен дәстүрді, адамгершілік пен имандылықты дәріптей отырып, жас ұрпақты отансүйгіштікке үндейді. Сондай- ақ, кітапта көптеген танымдық дүниелер бар.

Тоқпақбаев С. Өнегелі өмір /ред.басқ. Ғ.М.Мұтанов. – Алматы: Қазақ университеті, 2019.-318 б.
Бұл кітап Қазақ еліне адал қызмет еткен танымал мемлекет және қоғам қайраткері, бұрынғы Ұлттық қауіпсіздік комитетінің төрағасы, Президенттің күзет қызметінің басшысы, Ұлттық Ұлан басшысы, Қорғаныс министірі, генерал- полковник Сәт Бесімбайұлы Тоқпақбаевтың 80 жылдық мерейтойына орай ұшқан ұясынан тарту ретінде шығарылып отыр.
Жас ұрпақтарға мақтан тұтатын генерал Сәт Тоқпақбаевтың өмір жолы үлгі- өнеге болатынына сеніміміз зор.

Тоқтамыс батыр: Тарихи дерекнама. Құрастырушы- автор Айжан Қабдырахманқызы Ғабдуллина. – Алматы: « Информ – Арна» баспасы, 2019.- 384 + 48 жапсырма бет.
ХVIII ғасырда жоңғар, қытай,башқұрт басқыншыларынан қазақ даласын азат етіп, қазақ ұлтын қорғап қалуда айтулы батырлармен тізе қосып жорықтарға шыққан, әр елдің өз атамекеніне қоныстануына ерекше үлес қосқан, елдің ынтымағы мен бірлігін сақтауда кемеңгерлік танытқан Тоқтамыс батыр Лақаұлы туралы аңызға айналған әңгімелер, үш ғасыр сақталған туы, қаруы туралы нақты дерек беріледі. Батыр баба есімін, оның тарих беттеріндегі алар орнын ұмытпау, жаугершілік замандағы даңқты жолын жас ұрпақ санасында қалдыру мақсатында осы кітап жарыққа шығарылды.Бұл кітап- ұрпақ үшін құнды мұра, бабаның өмір жолынан сыр шертер баға жетпес қазына болады.