Кітап тарихы: интеллектуалды ойын
Елбасының «Болашаққа бағдар: рухани жаңғыру» мақаласы аясында Абай атындағы әмбебап кітапханасында 19 қыркүйек күні Тілдер мерекесі күніне орай Семей көлік колледжімен бірлесіп, «Кітап тарихы» атты интеллектуалдық ойын ұйымдастырды. Шараның мақсаты: студенттердің мемлекеттік тілге деген құрмет сезімін арттыру, тіл мәртебесін көтеру, өз ұлтына, еліне деген сүйіспеншілігін ояту, кітап оқуға баулу.
Ойынға қатысушылар ойын ережесі бойынша үш топқа бөлінді. Ойын төрт кезеңнен тұрды . Сайыс барысында сайыскерлер тіл туралы сұрақтарға жауап беріп, мақал-мәтелдердің мағынасын түсіндіріп, жұмбақтар шешіп, ойынға белсене қатысты. Топтар арасынан «Шежірешілер» тобы алға шығып, жеңімпаз атанды. Әділқазылар жеңімпаздарды марапаттап, алдағы сайыстарына сәттілік тіледі. Соңында шараға қатысушыларға кітапхананың тарихы, құрылымы таныстырылып, арнайы дайыдалған көрме ұсынылып, шолу жасалды.
