Мұстафа Шоқай Тәуелсіз ұлттық мемлекет туралы: бейне дәріс

ШҚО Абай атындағы кітапхананың ZOOM платформасында 2-ші наурыз күні әр сәрсенбі күні «Алаш» жобасы аясында өткізілетін тікелей эфир қонағы саяси ғылымдардың докторы, Қорқыт Ата атындағы Қызылорда университетінің профессоры, мемлекет қайраткері, Мұстафа Шоқай ғылыми орталығының ғылыми жетекшісі Бәкір Әбдіжәлел Қошқарұлымен «Мұстафа Шоқай Тәуелсіз ұлттық мемлекет туралы» тақырыбында бейнедәріс өткізді.
Шара барысында жалынды публицист, заңгер-ғалым, халықаралық дәрежедегі саяси күрескер энциклопедиялық білімдар, терең ойшыл Мұстафа Шоқайдың табанды күрескерлік қызметі, өнегелі өмірі жайлы хабардар етілді.
Ұлы күрескердің өмірінің шынайы мұратын, оның саяси қызметінің мәнін, шығармашылық мол мұрасының басты идеясы «Тәуелсіздік» ұғымы екендігін, 1924-34 жылдары Ұлыбританияда алты рет болып, ұлт тәуелсіздігі тақырыбында баяндама жасағандығын тілге тиек етті. Мұстафа Шоқайдың шығармалары мен саяси қызметі соның ішінде 230 шығармасы тек қана Түркістанның тәуелсіздігі мен тұтастығына арналған.
Әбдіжәлел Қошқарұлы дәріс барысында Әміре мен Шоқайдың кездесуі және Шоқайдың жинаққа кірмеген 5-6 мақаласы табылғандығы туралы қатысушылар ақпарат берді.
Сөз соңында осындай асқақ та, қайсар тұлғаның артында қалған телегей-теңіз мол мұрасы әлі де зерттеліп, игере түсуді қажет ететінін, оның шығармаларындағы идеяны меңгеру керектігіне тоқталды.
Шараға Шығыс өңірінің кітапханашылары қатысып, тиісті сұрақтарын қойып, алғыстарын білдірді.