Олардың қаруы – пулемет және сөз: К.С. Мәуленовпен онлайн кездесу
8 мамыр күні Ұлы Отан соғысындағы Жеңістің 80 жылдығы қарсаңында Абай атындағы кітапханада ақын-публицист, Ұлы Отан соғысының қатысушысы Сырбай Мәуленовтің ұлы Қасым Сырбайұлы Мәуленовпен «Олардың қаруы – пулемет пен сөз» атты онлайн кездесу өтті. Кездесу Ұлы Отан соғысына қатысқан атақты қазақстандықтардың ұрпақтарымен кездесу акциясы аясында ұйымдастырылды. Онлайн кездесуге Абай ауданының кітапханашылары қатысты. Шараға қатысушыларға заң ғылымдарының докторы, Халықаралық ақпараттық технологиялар университетінің профессоры, АҚШ Конгресінің Фулбрайт стипендиаты, Индиана университетінің заң мектебінің стипендиаты Қасым Мәуленовтің шығармашылық және қоғамдық қызметі туралы ақпарат берілді. Сондай-ақ, Ұлы Отан соғысына қатысқан жазушылар, ақындар, ғалымдар: Бауыржан Момышұлы, Қасым Қайсенов, Сырбай Мәуленов, Сағадат Нұрмағамбетов, Салық Зиманов, Андрей Дубит және тағы басқалар туралы «Олардың қаруы – пулемет пен сөз» атты деректі фильмі көрсетілді.
Онлайн кездесудің қонағы Қасым Сырбайұлы әкесі Сырбай Мәуленов туралы, «Олардың қаруы – пулемет және сөз» деректі фильмінің қалай түсірілгені туралы естеліктерімен бөлісіп, «Простор» журналының 2025 жылғы 4-санында жарияланған саяси нұсқаушы Сырбай Мәуленовтің жарқын естелігіне арналған «Ленинградты қорғаушы» мақаласына тоқталды.
Кеңес жазушысы Н.Тихоновтың 1942 жылы 22 қазанда блокададағы Ленинградтан Волхов майданындағы Сырбай Мәуленовке жазған хаты жаййында айтып, Қасым Сырбайұлының анасы Күлжамал Әмірова мен Ахмет Байтұрсынов арасындағы қарым-қатынас Мәуленовтер отбасына қалай әсер еткені туралы да айта өтті. Осы мәселе бойынша қатысушылар сауалына жауап берді.
Кітапханашылар шетел кітапханалары, соның ішінде қонағымыз шетел іссапарлары кезінде барған АҚШ-тағы Конгресс кітапханасы туралы әңгіме өрбітті. Әкесі Сырбай Мәуленовтің Алматы кітапханаларында жұмыс істегені жайында айтып, оның шығармашылық зертханасы қалай жүргізілгені, ақын С.Мәуленов шығармаларын қалай жазғаны туралы көптеген қызықты мәліметтер айтты.
Сондай-ақ Қасым Мәуленов Сырбай Мәуленовтің «Жеті балам бар» деген өлеңін оқып, өзі және аға-әпкелері, олардың шығармашылық табыстары, Сырбай Мәуленовтің балаларының әкелері үшін қандай тірек, мақтаныш болғаны туралы әңгімеледі. Заң профессоры және бокс профессоры Қасым Сырбайұлы Мәуленовтың жеке шығармашылық жоспарлары да тыңдармандарды қызықтырды.
