Қазақ әдебиетінің құлагері: кітап көрмесі

2014 жылдың 17 маусымында Абай атындағы кітапхана қызметкерлері қазақ поэзиясының құлагері атанған Ілияс Жансүгіровтың туғанына 120 жыл толуына орай «Қазақ әдебиетінің құлагері» атты кітапхана пайдаланушыларына арнап кітап көрмесін ұйымдастырды.

Кітап көрмесіне ақынның көп томдық шығармалар жинағы, атақты Ақан серінің сұлу да трагедияға толы өмірінің соңғы бір сәтін шығармаға арқау ете отырып, Ақан серінің барлық ішкі жан сырын, биік арман мұратын жан-жақты суреттеген «Құлагер» поэмасы, «Күй», «Күйші», «Рүстем қырғыны» поэмалары мен өлеңдер жинағы, «Мен – осы шынайы махаббат иесі» атты т.б. кітабы, мерзімді басылымдар беттерінде жарық көрген мақалалар ұсынылған. Ілияс Жансүгіровтің шығармашылығы өзіндік шеберлігімен, әсем нақышты бояуларымен ерекшеленеді. Өлең-жырларында оның өз халқын, туған жерін, елін шексіз сүйген ең нәзік сезімі кестеленген. Кітап көрмесіне 25 кітап, 11 мерзімді басылым қойылды.