Компьютер меңгерудің негіздері: тренинг
Интернет орталығында егде адамдарды компьютерлік сауаттылыққа үйрету тәжірибесі одан әрі жалғасын тапты. Шығыс Қазақстан облыстық Абай атындағы әмбебап кітапханасында 2015 жылғы 16-20 қараша аралығында «Компьютер меңгерудің негіздері» атты тренинг өткізілді.
Шараға зейнеткер Васин Леонид Федорович жарнама бойынша жазылып қатысты. Қатысушы тренингте компьютер негізін меңгеріп: мәтінмен, суретпен жұмыс жүргізу, құжаттарды жасау жұмысымен және қосымшалармен танысты. 5 күн ішінде ол компьютердің жұмыс істеу принципін үйреніп, компьютер «тышқанын» қолдануға дағдыланды. Тренинг барысында алған білімі қатысушының болашақта тұрақты компьютер пайдаланушысы болады деген сенімдеміз. Енді компьютер негіздерін меңгерген зейнеткер ғаламтор арқылы қажетті ақпаратты тауып, таныстарымен қарым-қатынас жасау үшін «Интернет негіздері» атты келесі курсқа жазылды.