Семей қаласының өткені мен бүгіні: танымдық сағат
2013 жылдың 3 сәуірінде Шығыс Қазақстан облыстық Абай атындағы әмбебап кітапханасы қызметкерлері технологиялық колледжде мүмкіндігі шектеулі балалар мен 1-2 курс студенттеріне арнап «Семей қаласының кешегісі мен бүгінгісі» атты тақырыпта танымдық сағат өткізді.
Өткізілген күні: 3 сәуір 2013 жыл. Өткізілген орны: технологиялық колледж. Қатысушылар: мүмкіндігі шектеулі балалар мен 1-2 курс студенттері. Қатысушылар саны: 80 адам. Іс-шараның мақсаты: туған қаламыздың тарихын танып-білу арқылы жас ұрпақты отансүйгіштікке тәрбиелеу. Күтілетін нәтиже: жастардың туған өлке және халқына деген сүйіспеншілігін арттыру арқылы өлке туралы пайдалы ақпараттармен қамтамасыз ету.
2013 жылдың 3 сәуірінде Шығыс Қазақстан облыстық Абай атындағы әмбебап кітапханасы қызметкерлері технологиялық колледжде мүмкіндігі шектеулі балалар мен 1-2 курс студенттеріне арнап «Семей қаласының кешегісі мен бүгінгісі» атты тақырыпта танымдық сағат өткізді. Танымдық сағат тарих пәнінің апталығы шеңберінде өтті. Шара барысында Семей қаласының дүниеге келген күні болып есептелетін тарихи қамалдың пайда болу тарихы, XIX ғасырдағы қаланың әлеуметтік-экономикалық жағдайы, сауда-саттық экономикалық орталық қалыптасуындағы қала көпестерінің орасан зор еңбектері, қаламызда болған әлем саяхатшылары жайында мазмұнды әрі қызықты ақпараттар беріліп, қатысушылардың қызығушылығын туғызды. Сондай-ақ, қаламыздағы тарихи ескерткіштер, қаланың көрікті мәдени-демалыс орындары жайында кеңінен таныстырылды. Қатысушылар соңында «Семей қаласының 18 ғасырдағы және 20 ғасырдың басындағы тарихи ескерткіштері» интерактивті видеосаяхатын тамашалады. «Семей қаласына 295 жыл» тақырыбындағы слайд-шоу көрсетіліп, қала тарихына байланысты «Семей қаласының өткені мен бүгіні» атты кітап көрмесі ұйымдастырылды.