Бірінші курс студенттері, Сіздер үшін!: библио-кешинг

2 қыркүйек күні Абай атындағы кітапханада Шәкәрім атындағы университеттің сурет және дизайн факультетінің бірінші курс студенттеріне «Бірінші курс студенттері, Сіздер үшін!» тақырыбында библио-кешинг өткізілді.
Шара барысында студенттер кітапхананың тарихымен, негізгі бөлімдерімен, үйірмелермен, клубтардың атқаратын қызметтерімен танысты. Қайым Мұхамадхановтың 100 жылдығына арналған «Ғалым, Тұлға, Қайраткер», «Бірінші курс студенттері, Сіздер үшін!» тақырыбындағы экспонатты кітап көрмелеріне, «Абайдың рухани орталығындағы» Абайдың қолының табы тиген сирек, құнды басылымдарына шолу жасалып, маңызды ақпараттар берілді.
Осыған дейін кітапхананың оқырмандары, өздерінің оқып болған кітаптарын жеке кітапханаларынан кітапханаға сыйға берген болатын. Оларға екінші өмір беру мақсатында «Сыйға кітап ал» акциясы ұйымдастырылып, студенттер өз қалаулары бойынша кітаптар таңдап, оларды сыйға алды. Нәтижесінде кітапханаға 30 жаңа оқырман тіркелді.