Елімнің бақытын тербеткен Тәуелсіздік!: патриоттық марафон

19-шы қазан күні Тәуелсіздіктің 25 жылдығына орай Абай атындағы әмбебап кітапхана Семей қаласы жастар ресурстық орталығымен бірге, қала мектептері оқушыларының арасында «Елімнің бақытын тербеткен Тәуелсіздік!» атты патриоттық марафон ұйымдастырды.

Марафон «Менің Отаным – Қазақстан» – өлеңдер сайысы, «Көк тудың желбірегені» – патриоттық әндер сайысы, «Тәуелсіздік – елімнің шамшырағы» – интеллектуалды-танымдық сайыс болып 3 турдан тұрды. Марафонға қаламыздың жалпы білім беретін №12, №16, №31, №35 мектептердің және №37 мектеп-гимназиясының оқушылары белсене қатысып, Қазақстанның жетістіктерін өлеңмен, әнмен жырлап, марафонның маңыздылығын ерекшелендіре түсті. Сайыс қорытындысы бойынша №37 мектептің 2 сынып оқушылары Ерешов Мейіржан, Мұхтаров Тамерлан, №1 мектептің 6 сынып оқушылары Алимбекова Лия, Джаманова Алина, №16 мектептің 3 сынып оқушысы Сәбитқазы Ерасыл вокалдық шеберліктерімен ерешеленіп, көрермен қошеметіне ие болды. Шара соңында жүлдегерлер мақтау қағаздарымен, алғыс хаттармен марапатталып, «Қазақстан – Ұлы Дала елі» атты кітап көрмесіне шолу жасалды.