Орхон-Енисей жазба ескерткіштер күні: бейне-дәріс

23 қараша күні Абай атындағы әмбебап кітапханада «Орхон Енисей жазба ескерткіштер күніне» арналған бейне-дәріс ұйымдастырылды.

Орхон-Енисей жазбалары — көне түркі жазба тарихи-мәдени ескерткіші. Көп уақытқа дейін сыры беймәлім, қай тілде жазылғандығы белгісіз болып келген. Орхон-Енисей жазбаларын руналық жазбалар деп те атайды. Шара барысында қатысушыларға руникалық жазулардың тарихы мен зерттеуші ғалымдар: В.Томсен, В.Радлов, М.Жолдасбеков, Қ.Сартқожаұлының еңбектерін, зерттелу барысын, көне жазулардағы таңбалардың маңызы туралы айтты.

Шараға Д.Қалматаев атындағы медициналық колледжінің студенттері қатысып, «Ұлы далаға оралған Ұлы рух» деректі фильмінен үзінді көрді.

Қатысушылар ескерткіштердегі «Күлтегін», «Білге қаған», «Тоныкөк» өлең-жырлары жөнінде, жырдың жазылу стилі мен мазмұны туралы өз ойларын ортаға салды. Шара соңында «Күлтегін ескерткіштері» тақырыбында слайд – экскурсия көрсетіліп, «Орхон-Енисей жазба ескерткіштері» тақырыбында веб сайттарға шолу ұйымдастырылды.