Наурыз – игілік пен береке мейрамы
Наурыз мейрамы – көктемгі жаңару және күн мен түннің теңесу мейрамы. Ерте кезде халқымыз көктемнің жан баласын рухтандырғыш ғажайып күші жамандық атаулыны жеңеді дейтін. Бұл күні адам баласы бір-біріне деген өкпе-ренішін кешіреді, ал табиғаттың жадырауы адам жанын рахаттандырып, жақынға деген қайырымдылық және сүйіспеншілік сезімін туғызады.
Өткізілген күні: 13 наурыз 2013 жыл. Өткізілген орны: Шығыс Қазақстан облыстық Абай атындағы әмбебап кітапханасының мерзімді басылымдар бөлімі. Қатысушылар: кітапхана пайдаланушылары. Мақсаты: Оқырмандарға Наурыз мейрамының қайта жаңғыру тарихын, қазақ халқының салт-дәстүрі және әдет-ғұрпын таныстыру; кітапхана пайдаланушыларын Наурыз мейрамын тойлау туралы мерзімді басылым беттеріндегі ең соңғы жарияланымдармен ақпараттандыру.
Наурыз мейрамы – көктемгі жаңару және күн мен түннің теңесу мейрамы. Ерте кезде халқымыз көктемнің жан баласын рухтандырғыш ғажайып күші жамандық атаулыны жеңеді дейтін. Бұл күні адам баласы бір-біріне деген өкпе-ренішін кешіреді, ал табиғаттың жадырауы адам жанын рахаттандырып, жақынға деген қайырымдылық және сүйіспеншілік сезімін туғызады. Наурыз мейрамы адамдарды бейбіт өмірге, ынтымаққа жетелейді. Мейрамның осы бір терең мағынасының бүгінгі күні ерекше мәні бар. Шығыс халықтарының қайта жаңарып, жаңғырған Наурыз мейрамы туралы мерзімді басылымдардан «Наурыз – игілік пен береке мейрамы» тақырыбында ұйымдастырылған экспозициялық көрмесі көктем мейрамы қарсаңында өз оқырмандарының назарына ұсынылды. Көрмеге мерзімді басылымдар жарияланымдары және қазақ халқы отбасы салт-дәстүрі, татулығын әйгілейтін халықтың қолөнер шығармашылық, тұрмыс бұйымдары қойылды. Мейрам қарсаңында сахналық көріністер сценарийі, сабақ талдаулары, өлеңдер мен әндерге сұраныстар өте көп. Осы топтағы пайдаланушылар үшін көрмеде қосымша әдебиеттер тізімі, бүктемелер және әртүрлі тақырыптық жаднамалар ұсынылды. «Наурыз – игілік пен береке мейрамы» көрмесі айдың соңғы күніне дейін оқырмандар пайдалануында болады.