Page 35 - 2025 жыл күнтізбе Семей++
P. 35
12 наурыз Қазақ КСР-нің еңбек сіңірген мұғалімі, этнограф, абайтанушы
Садық Қасиманұлы Қасимановтың туғанына 120 жыл (1905–1977)
Қасиманов Садық 1905 жылы , қазіргі Шығыс
Қазақстан облысы Абай ауданында туған. Педагог,
этнограф, ақын. 1938 жылы Қазақ педагогикалық
институтын бітірген. 1939 – 60 жылдары мектептерде
мұғалім болды.
1960-71 жылдары Қазақстан Ғылыми
Академиясында ғылыми қызметкер болып жұмыс істеді.
Қасиманов қазақ этнологиясын (қолөнер, ас-тағам,
ұлттық ойын, т.б.) зерттеуге көп үлес қосты. Оның “Өс-
өс, бөбек” (1961), “Сиқырлы сыбызғы” (1961), “Қазақ халқының қолөнері”
(1962; 2-бас., 1969; 3-бас., 1995), “Қазақтың ұлттық ойындары” (1963,
телавтор), “Қазақтың ұлттық тағамдары” (1977) сынды еңбектері қазақ
халқының тұрмыстық және рухани мәдениетінен молынан мәлімет береді. Бұл
еңбектерде қазақ халқының тұрмыс-тіршілігіне қажетті үй-жай салу, киім-
кешек тігу, азық-түлік дайындау, әсем бұйымдар жасау кәсіптері айтылып,
олардың халықтың қоғамдық тарихымен байланысы ашып көрсетілді С.
Қасиманов 1977 жылы 6 ақпанда Алматы қаласында қайтыс болған.
Әдебиеттер:
Шығыс Қазақстан облысы.Энциклопедия. – Алматы: «Қазақ
энциклопедиясы», 2014. - Б.456.
Қазақ әдебиеті. Энциклопедиялық анықтамалық. - Алматы: «Аруна
Ltd.» ЖШС, 2010
Қасиманов Ж. Қанды опық, қатты дауыл, қараңғы түн // Ертіс өңірі. -
2005. - 26 мамыр. - Б.5
Қасиманов Ж. Есімін елі ұмытпаса екен // Дидар. - 2004. - 25
қыркүйек. - Б.2
