Page 39 - 2025 жыл күнтізбе Семей++

Мұхаметқалиқызы А. Әлемді әнмен әлдилеп... // Ертіс өңірі. - 2005. -
31 наурыз

Шығыс жұлдыздары Т.1: Сөз зергерлері. Мәдениет майталмандары:
энциклопедиялық анықтамалық. - Астана: Фолиант, 2011. - 282 б.

Шығыс Қазақстан облысы. Энциклопедия.- Алматы: «Қазақ
энциклопедиясы», 2014.-776 б.

16 наурыз Өлкетанушы, шежіреші, «Күлтегін» медалінің иегері
Бекен Исабайұлының туғанына 95 жыл (1930-2020)

1930 жылы 16 наурызда Шығыс
Қазақстан облысы Абай ауданының Көкбай
ауылына қарасты Маян қорығында дүниеге
келген. Абай ауданының Күлмен ауылкеңесіне
қарасты Шолақкеспеде 1937-1941 жылдары
бастауыш мектепте, 1944-1947 жылдары
Қасқабұлақтағы Күлмен орталау мектебінде
оқыған.

1950 жылы Крупская атындағы Семей
педтехникумының филология факультетін бітірді. Абай ауданының Күлмен
орталау мектебінде мұғалім, директор, 1945-1959 жылдары аудандық комсомол
комитетінің нұсқаушысы, хатшысы 1959-1963 жылдары «Қызылту»
кеңшарында партия комитетінің хатшысы қызметтерін атқарды.

1985 жылы Б. Исабайұлының «Совхоздар күніне» жазған «Биіктен
бәрі анық көрінеді» пьесасы байқауда бірінші орынға ие болған. 1987 жылдың
қыркүйек айынан Абайдың мемлекеттік тарихи-мәдени және әдеби-
мемориалдық қорық-мұражайының дамуына қомақты үлес қосқан шежірелі
Бөрлідегі Мұхтар Әуезов мұражай-үйі бөлімінде ұзақ жылдар бойы қызмет
істеп келеді. Осы кезден бастап Шыңғыстау- Тобықты елі мен жері, өткені
жайында қалам тартып, шығармашылықпен ден қоя айналыса бастады.

Абайды, оның ақындық – өнер айналысын көрген, ақынның өмірін
жете білетін адамдарды көп тыңдап әңгімелесті. Осы кездесулер мен сұхбаттар,
мол мағлұмат қоры нәтижесінде 2001 жылы «Ұлылар мекені» монографиясы
жарық көрді. Кітаптың бөлім, тарауларының үзінділері Абайдың 150
жылдығына орай өткізілген байқауда арнайы сыйлыққа ие болды. Бұл іргелі
еңбек 2010 жылы қайта басылып шықты.