Page 88 - 2025 жыл күнтізбе Семей++

12 желтоқсан Қазақстанның мемлекет және саяси қайраткері

Мұхтар Абрарұлы Құл-Мұхаммедтің туғанына 65 жыл

(1960)

1960 жылы 12 желтоқсанда Қытайдың Чугучак
қаласында дүниеге келген. 1961 жылы Құл-Мұхаммедтер
отбасы Семей облысы, Мақаншы ауданы, Мақаншы ауылына
оралды.

1982 жылы Қазақ мемлекеттік университетін бітірген.

1983-1992 жылдары - Қазақ Совет Энциклопедиясы Бас редакциясының
ғылыми редакторы, аға ғылыми редакторы, философия, құқық және
әлеуметтану редакциясының меңгерушісі, жауапты хатшы - бас редактордың
орынбасары.

1999 жылы «Жақып Ақпаев және Алаш қайраткерлерінің саяси-
құқықтық көзқарастарының эволюциясы (19 ғ. соңы – 20 ғ. басы)» деген
тақырыпта заң ғылымы бойынша докторлық диссертациясын қорғады. 1999-
2001 жылдары - Қазақстан Республикасы Парламенті Сенатының депутаты,
Сенаттың Заңнама және сот-құқықтық реформа комитетінің хатшысы,
Сенаттың Әлеуметтік-мәдени даму комитетінің төрағасы (Астана қ.).

2001 жылы Қазақстан Республикасы Жоғары аттестаттау комиссиясы
Президиумының 2001 жылғы 31 мамырдағы шешімімен құқықтану
мамандығы бойынша профессор ғылыми атағы берілді.

2001-03 жж. - Қазақстан Республикасы Мәдениет, ақпарат және қоғамдық
келісім министрі.

2003-04 жж. - Президент кеңесшісі.

2004 жылдың сәуірінен желтоқсанына дейін Қазақстан Республикасы
Президентінің Баспасөз хатшысы.

2004-06 жж. - Қазақстан Республикасы Президентінің кеңесшісі-
Баспасөз хатшысы. 2006-2007 жылдары - Қазақстан Республикасы
Президентінің Әкімшілігі Басшысының орынбасары - Қазақстан
Республикасы Президентінің Баспасөз хатшысы (Астана қ.).