Page 57 - 2025 жыл күнтізбе Семей++

Сабырбай Қ. Ауылда отырып алашын мойындатқан : жазушы Кәмен
Оразалиннің 90 жылдық мерейтойынан репортаж = Сөнбейді жыр ошағы// Ертіс
өңірі . - 2010. - 3 қараша. - Б. 10-11

Сәрсенбайқызы Ғ. Туған жер арыстарын жырлап өткен // Дидар. -
2010. - 18 маусым. - Б. 1

24 маусым Әдебиеттану, фольклоршы ғалым. Қазақстан Ұлттық
Ғылым Академиясының академигі. Филология ғылымдарының
докторы, профессор. ҚР Мемлекеттік сыйлығының лауреаты Сейіт
Қасқабасовтың туғанына 85 жыл (1940)

Әдебиеттанушы. 1940 жылы 24 маусымда Семей қаласында
туған.

1957 жылы Алматыдағы №12 қазақ орта мектебін, 1964 жылы
Абай атындағы ҚазПи-ді үздік тәмамдаған. 1967 жылы М.Әуезов
атындағы Әдебиет және өнер институтының аспирантурасын
бітірген. 1970-1981 жылдары Қазақ КСР Ғылым академиясының Қоғамдық
ғылымдар бөлімшесінде ғылыми хатшы әрі «Қазақ ССР Ғылым академиясының
хабарлары» атты журналының жауапты хатшысы, 1981-1983 жылдары
Мәскеудегі КСРО Ғылым академиясының Горький атындағы Әлем әдебиеті
институтында аға ғылыми қызметкер, 1983 жылдан М.Әуезов атындағы Әдебиет
және өнер институтында аға жетекші ғылыми қызметкер болды.

1988 жылы ҚКП Орталық Комитетінде консультант қызметіне
тағайындалып, әдебиет пен өнер саласына жауапты болған және саяси
репрессияға ұшыраған арыстарымызды ақтау жұмысына қатысып, қажетті
құжаттарды дайындаған. 1990 жылы Орталық Комитетте жаңадан құрылған
Саяси процестер социологиясы орталығын басқарып, идеологиялық
комиссияның мүшесі орталық жетекші ретінде кезінде қате қабылданған
көптеген саяси-партиялық құжаттардың күшін жою және жазықсыз жазаланған
ақын-жазушылар мен қайраткерлерді ақтау туралы жұмыс тобын жетекшілік
еткен.

1991-1992 жылдары Қазақстан Республикасының Президенті мен Қазақстан
Республикасы Министрлер Кабинетінің Аппаратында Мәдениет секторының
жетекшісі, Білім, ғылым және спорт, жастар ісі бөлімі бастығының орынбасары
болған. 1992 жылы Қазақстан Республикасы Жоғарғы Аттестациялық
Комиссиясының төрағасы боп тағайындалып, ЖАК-ты құрып, ғылыми
дәрежелер атақтарды беруге және ғалымдарды аттестациялауға қажетті
Ережелерді жазған.

1993 жылы ТМД елдері Жоғары Аттестациялық Комиссияларының
қауымдастығын құрып, оның төрағалығына сайланған. 1994-1997 жылдары
М.Әуезов атындағы Әдебиет және өнер институтында директордың