Page 133 - 2025 жыл күнтізбе Семей++

мүшелікке сайланды. Кейіннен кеңес өкіметі жағына шығып, 1919-1921
жылдары Семей губерниялық халық ағарту бөлімінің меңгерушісі, 1921-1922
жылдары Көкшетау уезінің азық-түлік комиссары, Қазақ ОАК-нің Қызыл
керуен уәкілі болып қызмет істеді. 1922-1924 жылдары Қазақ АКСР-і Халық
ағарту комиссарының орынбасары, саяси ағарту жұмыстары бас
басқармасының бастығы, 1924-1925 жылдары Қазақ АКСР-і Егін
шаруашылығы халық комиссариаты жерге орналастыру бас басқармасының
бастығы, 1925-1927 жылдары Семей губерниялық атқару комитетінің
төрағасы, 1927-1931 жылдары Қазақ АКСР-і Халық ағарту, Егін
шаруашылық комиссары қызметтерін атқарды. 1931-1933 жылдары КСРО
БРОАК жанындағы Қазақстан өкілі (Мәскеу қ.), Алматы облысындағы
«Дегерес» қосалқы шаруашылығының меңгерушісі болды. Алаш ісі бойынша
1933 жылы қазанда тұтқындалып, 1934 жылы сәуірде 5 жылға сотталды. 1934
жылы мамырда Воронеж қаласына жер аудару жазасымен ауыстырылып,
1936 жылы айдауда қайтыс болды. К.Тоқтабаевтың есімі 1958 жылы
қаңтарда ақталды.

Әдебиеттер:

Тоқтабаев Кәрім / Әнес Ғ., Смағұлова С. Алаш.Алашорда.
Энциклопедия. – Алматы:Арыс, 2009. – Б.305-306

Тоқтабаев Кәрім / Тілешов Е., Қамзабекұлы Д. Алаш қозғалысы. –
Алматы:Сардар, 2009.– б.390-391

Интернет сілтеме:

Тоқтабаев Кәрім// https://alash.semeylib.kz/?page_id=453

Сарбөпин Нұғыман

(1890-1918)

Сарбөпин Нұғыман (1890, Орал облысы, Ілбішін уезі,
Соналы болысы, қазір Қаратөбе ауданы – 1918) – Алаш
қозғалысына қатысушы, қазақтың арнаулы білімді алғашқы
әскери мамандарының бірі. Әкесі Жайық сырты қазақтары
тарихында өзіндік орны бар, Соналы болысының ұзақ жыл
аға сұлтаны, управителі болған, әдетте ұрпақтарына
мирасқорлық жолмен берілетін қазақтан алғаш дворян атағын
иеленушілердің бірі – Мұхамеджан Сарғожин. Патша өкіметі тарапынан өз