Александр Юрьевич Борисов 1959 жылы 14 тамызда Семей қаласында дүниеге келген. 13 жасынан бастап футболмен айналысқан. Ең алғашқы жаттықтырушысы – Шевелев В.А.

1976 жылы «Спартак» футбол командасының құрамында 12 маусым ойнаған.

Бүкілодақтық чемпионаттың екінші лигасында қарсыластар қақпасына 61 рет гол соқты. Қазақ КСР кубогы үшін ойындарда 4 рет гол соққан. Семейлік «Спартак» құрамасында барлығы 65 гол қақпаға соққан.

1981 жылғы футбол маусымында 1980-1981 жж. «Қайрат» КСРО чемпионатының жоғарғы лига командасының құрамында ойын көрсетті. 3 ойын ойнады. Қосалқы құрамның ойынында 1 гол соқты.

1977 жылғы КСРО чемпионатының екінші лигасының VI аймақтық турнирінің жеңімпазы. 1983 жылғы Қазақ КСР кубогының иегері.

«Спартак» командасының 1979 жылғы, 1984 жылғы  маусымдарының үздік бомбардирі. (1979 ж.) – 21 гол, (1984 ж.) – 13 гол соққан.

1989 жылы  футбол төрешісі ретінде ел чемпионатының матчтарына төрелік ете бастады.

Халықаралық төреші ретінде – ФИФА төрешісі болған (1995). Қазақстанның үздік төрешілерінің ондығына бірнеше рет енді. Ол клубтық турнирлердің халықаралық матчтарында, сондай-ақ ұлттық құрамалардың қатысуымен өткен матчтарда төрешілік етті.

Мәскеуде өткен «Достық кубогы» халықаралық турниріне екі рет төреші ретінде қатысты. (1996, 2003).

Бас төреші ретінде Қазақстан кубогының финалдық матчтарына үш рет төрелік етті (1992,1999/2000, 2001).

Барлығы төреші ретінде 312 кездесу өткізген. Қазақстан Премьер-лигасында (Жоғары лига) бас төреші ретінде ойнаған ойындар саны бойынша рекордсмен – 219 матч өткізген.

Қазақстан футбол федерациясының төрешілік ету және инспекциялау департаменті басшысының орынбасары (2013-2015).

«Семей» футбол қауымдастығының атқарушы директоры.

«Қазақстан Республикасының тәуелсіздігіне 20 жыл» (2011), «Қазақстан футболына 100 жыл» медальдарымен марапатталған.

2024 жылы Александр Юрьевичке «Семей қаласының Кұрметті азаматы» атағы берілді.

Ескерту: Борисов А.Ю. туралы материалды Қазақстан спорт тарихының спорт бақылаушысы Станислав Серкович Сәрсеков ұсынған.

Әдебиеттер:

Александр Юрьевич Борисов// https://ru.wikipedia.org/wiki