Өлке туралы жаңа басылымдар

Жұртбай Т. Бейнет сусыны…: толғау-эссе. – Алматы: Хантәңірі, 2016. – 380 б.

Жазушы кітабында шығармашылық психологиясы атты құпия да сырлы әлемнің жұмбақ, сиқырлы әлемін өз өмірімен байланыстыра сыр шертеді.

Жұртбай Т. Біртұтас Алаш идеясы: Толғаныстар. – Алматы: Хантәңірі, 2016. – 380 б.

Белгілі ғалым, филология ғылымдарының докторы, профессор Т.Жұртбайдың біртұтас алаш идеясының қалыптасуы мен даму жолын пайымдаған және сол қасиетті аңсарлы идеяның бүгінгі қоғамда алуға тиісті орны туралы айтылады. Жинақ әдебиетші, тарихшы ғылыми көпшіліктің және зиялы оқырман қауымның назарын аударады.

Каталог: Семей қаласының суретшілері ХІХ-ХХІ. – Семей, 2017. – 258 б.

Кітап ХІХ ғасыр аяғынан казіргі күнге дейін Семей қаласының көркем өмірі тарихына арналған кіріспе мақаласын, қаланың өміріне қатысты суретшілер каталогын, Невзоровтар отбасы атындағы музей қорында сақталған суретшілер туындыларының толық каталог тізімін қамтиды.

Омаров А. Абай шығармаларының психологиясы: Ғылыми-зерттеу мақалалары. – Семей: Зияткер, 2017. – 140 б.

Кітапта Абайдың өрлеуі мен кемелдікке жетуінің жеті сатысы дәйектелген. Қызықты дерек, тың тұжырыммен жазылған кітап студенттерге, пән мұғалімдеріне арналған.

Оразалы Е. Шыңғыстау: Өлеңдер жинағы. – Семей: Зияткер, 2017. – 130 б.

Ақын, сазгер Е.Оразалы жыр жинағында ұлы Абай өмірге келген туған жер туралы көңіл иірімдерін, ой толқындарын сыршыл да өршіл өлеңдерімен өрнектеп, жүрек сөзін оқырман қауымға жеткізеді. Соныдай-ақ, кітапқа автордың естелік-әңгімелері де енгізілген.

Сыдықов Е., Артықбаев Ж. Әнет баба: Ғұмыры мен заманы. – Астана: Фолиант, 2017. – 256 б.

Кітап қазақтың атақты биі, ел ағасы болған атақты Әнет баба туралы. Мұндағы деректер мен мағлұматтар көне кезден бастау алып, ХУІІІ ғ. басындағы күрделі саяси жағдайларды сипаттайды. Ұлы дала тарихында із қалдырған, көп жағдайларда үлкен жауапкершілік көтерген ірі тұлғалар арқау болады.

Тәбәрікұлы С. Тұлпардың ізі өшпейді: Хикаят, сыр-дастан, естеліктер. – Алматы. – «Халықаралық жазылым агенттігі» ЖШС, 2016. – 332 б.

Тәуелсіздік жолында, азаттық үшін тынымсыз күрес жалғасып, бүгінге дейін арқау – желісін үзбей келе жатуы, өзекті күресі ұтымды жазылған. Полигон ошағы болған Абыралының тау-тасы, Дегелең жайлы тебіренісі, адамдар тағдыры ойға жетелейді. Кітап қалың оқырманға арналған.

Ұлылар мекені / Құрастырушы Ү.Ибраева. – Семей: Зияткер, 2017. – 38 б.

Кітап ұлы ақын Абай мен ойшыл Шәкәрімнің, кемеңгер жазушы М.Әуезовтің өмірі мен қызметіне, шығармашылығына байланысты тарихи орындар туралы таным-түсініктер береді.

Беттер: 1 2 3 4 5 6 7 8 9 10 11