Абайдың рухани орталығы

Біздің кітапхананың тарихы 1883 жылдың қыркүйегінде ірге көтеруінен бастап кемеңгер ақын Абай Құнанбайұлы есімімен тығыз байланысты. Семейдің қоғамдық кітапханасының алғашқы кезеңінен тұрақты оқырманы хакім Абайдың құрметіне 2013 жылдың күзінде ашылған «Абайдың рухани орталығы» аясы кең шаралар ауқымын қамтиды.

Орталықтың мақсаты: Абай оқыған әдебиеттер әлемімен, Абай заманындағы қоғамдық кітапхананың рухани қазына қорымен, Абайдың рухани мұрагерлері – ұлт зиялыларының, абайтанушы ғалымдардың өнегелі өмірі мен шығармашылығын көпшілік қауымға таныстыру, абайтану ғылымына байланысты әдебиеттерді зерттеуші-ғалымдарға даралап ұсыну.

Орталық жұмысының міндеттері:

сирек басылымдар қорын зерделеу;

Абай заманындағы сирек баспа өнімдерін іріктеу;

тұрақты сирек басылымдар көрмесін, шолу дайындау;

сирек басылымдарды сандық түрге көшіруді ұйымдастыру;

ғылыми бағытта жұмыс істейтін ғалымдарымыз бен ғылым жолындағы жастар үшін орта құру;

шетел кітапханаларымен, ғылыми зерттеу орталықтарымен сирек басылымдар қорын толықтыру, абайтануға байланысты ғылыми-зерттеу еңбектер мен әлем тілдеріндегі Абай шығармаларын жинақтау, осы бағытта ақпарат алмасу үшін қарым-қатынас орнату;

республика көлемінде сирек басылымдар қорын, заманында Абай оқыған әдебиеттер әлемін насихаттау;

сандық форматтағы әдебиеттерге интернет пайдаланушылардың қолжетімділігін қамтамасыз ету.

Орталықтың қорында қазақ, орыс, араб, түрік, ағылшын, қытай, қырғыз, өзбек, тілдерінде Абай шығармалары сақталған. Абай Құнанбайұлы туралы және ақын шығармаларының әлем тілдерінде баспа көрген ақпараттарымен кітапхана қорын толықтыру бағытында шетелдердің (барлығы 42) Қазақстандағы елшіліктеріне хат жазылып, сұраныс жасалды. Нәтижесінде сирек басылымдар қоры Әзербайжан Елшілігінен кітапхана қорына «Шерлар вә поемалар» (Өлеңдер мен дастандар) атты Абай шығармаларының аудармасының электронды нұсқасымен (9,86 МБ) толықты. Германия Елшілігіне хат арқылы хабарласу нәтижесінде елшілік қызметкерлері кітапханамызға әкеліп салтанатты түрде неміс тіліндегі Абайдың «Қара сөздерін» табыс етті. Қытай Халық Республикасынан профессор, академик, Қытайдың ғылым білім министрі болған ғалым Жанболатов Сұлтанның «Қытайда Абайдың туысы бар екен» деген зерттеу мақаласы кітапханаға келіп түсті. Кітапханамыздың құнды қоры Венгриядан мадьяр тілінде Будапештте 1956 жылы шыққан М.Әуезовтың «Ақын жолы» («Абай жолы») романымен толықты.

Алдағы уақытта сирек басылымдар қорын жұртшылыққа кеңінен насихаттау шаралары атқарылмақшы. Бұл шараларды алыс-жақын шетелдер – көршілес Ресей, Қытай, Монғол елдері кітапханаларымен бірлесіп қызмет атқару шаралары жоспарлануда.

Қала тұрғындары және қонақтары, студенттер, мамандар, ғалымдар мен ізденушілер, қаламгерлер, зейнеткерлер сирек басылымдарымыздың алтын қорынан өздерінің шығармашылық ізденістеріне, ғылыми жұмыстарына, кәсіби шыңдалуына қажетті ақпаратты кітапханамызға келіп пайдалана алады.

Байланысшы: Манжибаева Жаңылгүл Әділбекқызы

Оқу залы

Тел.: 8 (7222) 52-36-45

e-mail: biblioabay.ch.z@yandex.kz 

 2018 жылы «Абайдың рухани орталығы» аясында  атқарылатын іс-шаралар:

  1. Мекені жастықтың, өнердің, Семейім – құтысың сен елдің: ақпарат көрмесі.
  2. Рухани қазына ғасырдан ғасырға: сирек басылымдар ретро-көрмесі.
  3. Ғалым М.Мұхамадиұлының Ш.Уалихановқа арналған «Біртуар» кітабы (Бүкіл әлемдік кітап авторлық құқық күніне): тұсаукесер.
  4. Шын хакім, сөзің асыл – баға жетпес (Абай Құнанбайұлының туғанына 173 жыл, «Абай» журналына 100 жыл): дөңгелек үстел.
  5. Мәдениет қайраткері, дәстүрлі әнші Келденбай Раузаұлы Өлмесековтың туғанына 65 жыл: виртуальды көрменің тұсаукесері.
  6. Сахара ойшылы сирек басылымда (Ш.Құдайбердіұлының 160 жылдық мерейлі күніне): сирек кітап көрмесі.
  7. «Алаштың сөнбес жұлдыздары» (Мерейгер Алаш арыстары – А.Байтұрсыновқа 145 жыл;

М.Жұмабаевқа 125 жыл

О.Әлжановқа 145 жыл

Х. Досмұхамедовқа 135 жыл

Ы.Мұстанбаевқа 120 жыл

Х.Ғаббасовқа 135 жыл

Итбаев Е. (1883- ө.ж.б.)

Ж.Садуақасов 125 жыл): танымдық сағат, кітап көрмесіне шолу.

  1. Қ.Алтынбаевтың «Абай әлемі»: тұсаукесер.
  2. Абай өзбек тілінде (Қазақстандағы Өзбекстан жылы аясында): сирек  кітаптың көрмесі.
  3. Латын қарпіндегі сирек басылымдар: каталогын дайындау        тұсаукесер.
  4. Туған өлкемнің тарихы «Шығыс Қазақстанның аңыздары»: библиографиялық құрал тұсаукесері
  5. Семей өңірінің аңыздары
  6. Өскемен өңірінің аңыздары
  7. Мәңгілік Ел – Мәңгілік рухани қазына: Абайдың рухани отралығымен таныстыру.
  8. «Алаш туы астында Күн сөнсе де сөнбейміз!» С.Торайғыровтың 125 жылдығына Павлодар облыстық С.Торайғыров атындағы  кітапханасы;

«Көкте Күнмін, көпке нұрым шашамын» М.Жұмабаевтың 125 жылдығына Солтүстік Қазақстан облыстық  кітапханасы (Петропавл қ.);

«Алашорда қыраны» О.Әлжановтың 145 жылдығына (ұрпақтарымен  кездесу): онлайн-кездесу.

  1. «Алтайымдай өр кеуделі арысым» (О.Бөкейдің 75 жылдығына орай), ШҚО, Катон-қарағай ауданы, Шыңғыстай ауылындағы О.Бөкей атындағы музейі: онлайн-кездесу.
  2. Латын қарпіндегі басылымдар Абай атындағы кітапхананың сирек қорында: сирек кітаптар көрмесімен таныстыру.
  3. «Туған өлкем – тұнған тарих» өлкетану ресурсы: ақпарат сағаты.
  4. Киелі менің мекенім: ақпараттық тізім.