«Қазақстан-2050» Стратегиясы – жедел өзгермелі тарихи жағдайлардағы жаңа Қазақстанның жаңа саяси бағыты: дәріс
Шығыс Қазақстан облыстық Абай атындағы әмбебап кітапханасы қызметкерлерінің ұйымдастыруымен 2013 жылдың 23 қаңтарында қаламыздың Геологиялық барлау колледжінде «Қазақстан- 2050» стратегиясын талдау шарасы өз жалғасын тапты.
Өткізілген күні: 23 қаңтар 2013 жыл. Өткізілген орны: Геологиялық барлау колледжі. Қатысушылар: Семей қаласы колледждерінің кітапханашылары. Қатысушылар саны: 25. Іс-шара мақсаты: кітапханашыларға “Қазақстан-2050” стратегиясының мемлекеттік дамуының жаңа стратегиясы екендігін жеткізу. Күтілетін нәтиже: Елбасының «Қазақстан-2050» стратегиялық жолдауына деген қызығушылықтарын арттыру.
Шығыс Қазақстан облыстық Абай атындағы әмбебап кітапханасы қызметкерлерінің ұйымдастыруымен 2013 жылдың 23 қаңтарында қаламыздың Геологиялық барлау колледжінде «Қазақстан- 2050» стратегиясын талдау шарасы өз жалғасын тапты. Қала кітапханасы қызметкерлерімен тындырымды дәріс болды. Тыңдаушылар экономикалық саясаттың жаңа ұстанымдары, кәсіпкерліктің сан қырлылығына , жаңа әлеуметтік қалыптың құрылымына, білімнің және денсаулық сақтаудың қазіргі және тиімді жүйесімен, сондай-ақ мемлекеттіліктің одан арғы стратегиялық негізгі жағдайларымен танысты. ХХІ ғасырдың жаһандық он сын-қатерін Елбасы атап көрсетіп оларға жекелеме тоқталды. Олар: тарихи уақыттың жеделдеуі, жаһандық демографиялық теңгерімсіздік,жаһандық азық-түлік қауіпсіздігіне төнетін қатер, судың тым тапшылығы, жаһандық энергетикалық қауіпсізді, табиғи ресурстардың сарқылуы, индустриялық революция, үдей түскен әлеуметтік тұрақсыздық, өркениетіміз құндылықтарының дағдарысы,жаңа әлемдік тұрақсыздық қаупі. «Қазақстан ХХІ ғасырдың басында тәуелсіз әрі өзіне сенімді болып отыр. Жаһандық дағдарыстың жалғасуының әсерінен әлемде болып жатқан өзгерістер бізді үрейлендірмейді. Біз оларға дайынбыз. Біздің ендігі міндетіміз – егемендік жылдары қол жеткізгеннің барлығын сақтай отырып, ХХІ ғасырда орнықты дамуды жалғастыру» деп көрсетті Нұрсұлтан Назарбаев. Іс-шара барысынды кітапханашылар экономикалық саясаттың модернизациясына бас көңіл аударды. Дәрісте Қазақстанның әлеуметтік-экономикалық дамуы жайындағы кестелер слайд көрсетілімі арқылы қатысушыларға ұсынылды.