Чернобыль апатының жаңғырығы: ақпараттық сағат

Украинадағы Чернобыль атом электр станциясында, 1986 жылы 26 сәуірде миллиондаған адамдардың тағдырына әсер еткен әлемдік апат болды. Осы атаулы күнге орай 20 сәуірде Абай атындағы облыстық әмбебап кітапханасының мамандары Семей қаласының технологиялық колледжінің студенттеріне «Чернобыль апатының жаңғырығы» атты ақпараттық сағат өткізді.
Шара Чернобыль атом электр станциясының құру тарихы туралы әңгімеден басталды. Ақпараттық сағатта жиналғандар апаттың себебін, қайғылы оқиғаның ауқымын, апат орнында радиациялық ластануды жою жұмыстары, жоюшылардың ерлігі, радиациядан туындаған түрлі аурулар жайлы, апаттың салдары туралы, әлемнің түкпір-түкпірінен келген мамандар радиациялық ластанумен күресу шараларын әлі де жасап жатқаны жайлы білді. Әңгіме 1986 жылғы экологиялық апаттың ауқымын айқын көрсетуге, Чернобыль апатынан кейінгі экологиялық проблемаларды терең және айқын көрсетуге мүмкіндік берген отыз жеті жыл бұрынғы оқиғалар туралы деректі фильмнің көрсетілімімен сүйемелденді және қайғылы оқиғаның сан алуан аспектілерін қамтитын: оқиғалар хроникасы, ғылыми зерттеулер мен ғалымдардың тұжырымдары, апаттың себептерін зерттеген және оның зардаптарын жою бойынша жұмыстарды ұйымдастырған Үкімет комиссиясының қорытындылары, сондай-ақ жоюшылардың жанқиярлық, қаһармандық еңбектері туралы кітап басылымдарына шолу жасалды. Бұл Ю.Щербактың «Чернобыль» кітабы, «Солдаты Чернобыля» мақалалар жинағы, Э.Ливербарроу «Чернобыль 01:23:40», Б.Қанапьяновтың таңдамалы өлеңдері және т.б.
Арада 37 жыл өтсе де, Чернобыль апатының қара күні халықты толғандырып келеді. Бір қателік бізді қоршаған әлемге қалай зиян тигізетінін еске салады.