ылым мен білімге жол ашық: жас ғалымдармен кездесу

Абай атындағы кітапханада қонақта Нью Иорк университетінің доктарантура  студенті жерлесіміз  Анель Маратқызы Рахимжанова мен  АҚШ-тың Вассер колледжінің бакалавры, Израилдің Иврит университетінің магистрі, Астана қаласындағы Назарбаев университетінде екінші магистрлік білім алып жатқан Перлмуттер Сильван Рубэнович қонақта болды.

Абайдың рухани орталығында, Алаштану орталықтарында  болып ұлы ақын нәр алған түпнұсқа сирек басылымдар көрмесімен танысқан америкалық қонақ өз елінде саясаткер ретінде танымал болған, 1885 жылы Семейге сапарлап келіп, сахара қазағы Абайдың қоғамдық кітапхананың оқырманы екенін «Сібір және сүргін» (1906) кітабына жазған Джордж Кеннан туралы естіп, әйгілі жерлесінің суретін көріп таң-тамаша болды. Осындай тосын жаңалық өзін күтіп тұрғанын білмеген еді. Жас ғалым Қазақстанның ең сирек қоры бай кітапханасынан өзі зерттеп жүрген «XX ғасыр басындағы саяси діни қудалау мәселелері» тақырыбына деректер іздеп келген екен. Ал ғалым Анель Маратқызы «XX ғасыр басындағы транзиттер» – тақырыбындағыц зерттеуі үшін деректер, әсіресе Түрксібке байланысты құжаттар қызықтыратынын айтты. Абай заманындағы сирек дереккөздермен: Статистика Комитетінің, Семей Географиялық Бөлімшесінің жазбаларымен, ұлт зиялыларының көзі тірісінде баспа көрген басылымдармен танысқан жас ғалымдарымыз білім көкжиегін кеңіте алды. Қонағымыз қорымызда сақталған иврит тіліндегі түпнұсқалардан Шолом Алейхим, тб әдебиеттерді көру де өте қызықты болғанын жасырмады. Сирек мерзімді басылымдар қорынан 1929 жылғы «Прииртышская правда» газеттеріндегі тарихи деректер қызығына ден қойған оқырманымыз орыс тілімен қатар қазақ тілін де үйреніп жатқанын білдірді.