Ерлік – елге мұра, ұрпаққа ұран: экспозициялық кітап көрмесі

Ұлы Жеңістің 80 жылдығын мерекелеу аясында Абай кітапханасында «Ерлік – елге мұра, ұрпаққа ұран» тақырыбындағы 8 бөлімнен тұратын кең көлемді кіап көрмесі жасақталып, ашылу рәсімі өткізілді. Көрмедегі бөлімдерге тоқталсақ: «Қаһарлы күндер жылнамасы», «Өнегелі өмір сериясы сериясы: «Ұлы Отан соғысына қатысушылар», «Соғыс тақырыбы көркем әдебиетте», «Ұлы жеңіс жырлары», «Отты жылдар әуендері» , «Екінші дүниежүзілік соғыс жылдарындағы кітапхана», «Соғыс бейнелеу өнері», «ҰОС мерзімді баспасөз беттерінде» деп аталды.
Көрменің арнайы ашылу рәсімінде Республикалық «Абай Құнанбаев» қоғамдық қорының президенті Отантай Кәрібжанұлы сөз сөйлеп, кітапханаға өз алғысын білдірсе, тарих ғылымдарының кандидаты, профессор Кәрімов Мұхтарбек Қарпықұлы Жеңістің 80 жылдығы отты жылдар арқылы келгендігі туралы әңгіме өрбітіп, қан майданда соғысқан батырлардың өнегелі өмірінен естеліктер айтып, соғыс жайында жазылған әдебиеттер туралы мол ақпарат берді.
Іс-шараға қатысушыларға көрменің Екінші дүниежүзілік соғыстың даму тарихын көрсететін бөлімдері, қатысушылардың естеліктері, майдангер әскери жазушлырадың мақалалары ұсынылды. Көрмеде соғыс жылдарында майданда 125 қазақ жазушысы болғаны, оның ішінде Бауыржан Момышұлы, Әди Шәріпов және Қасым Қайсенов, Әзілхан Нұршайықов, Қасым Аманжоловтар туралы деректерге назар аударылды.
Көрмеде қазіргі зерттеушілердің еңбегі Л.Ахметованың «Брест қамалы. Қазақстан», «Қошқарбаев», М.Смағұлова «Халықтың ары мен намысындай», М.Жакупова «Қазақстанның және Орталық Азия республикаларының тылдағы эвакуациялық госпитальдары», «Ертең мен майданға ораламын… (Семейдегі эвакуациялық госпитальдардың тарихынан)», Ш. Калиакпаров Отан соғысы майданында. «Қазақстандықтар Ұлы Отан соғысында».
«ҰОС мерзімді баспасөз беттерінде» бөлімін соғыс уақытындағы мерзімді басылымдар: «Известия», «Казахстанская правда», «Тарихи журнал», «Қазақстанның халық шаруашылығы», «Красная библиотека», сонымен қатар жергілікті «Прииртышская правда» газеті кеңінен ұсынады. «Прииртышская правда» газетінің мақалалары күн сайын ел үшін қиын-қыстау кезеңде біздің қала мен облыстың өмірін көрсетеді; Газет беттерінде майдандағы хал-ахуал, жерлестеріміздің ерлік істері, күнделікті еңбектері мен жетістіктері, бір минут та тоқтамаған қаламыздың мәдени өмірі суреттелді. (кинотеатрлар, саябақтар, театрлар, кітапханалар ашылды).
Абай (Гоголь) атындағы кітапхананың соғыс жылдарындағы қызметіне арналған көрмеде фотоқұжаттар, мерзімді басылымдар, депутаттың мақаласы қойылған.
Сондай-ақ көрмеге қатысушылар Ұлы Отан соғысы туралы әндер жазылған сирек жазбалармен таныса алады. Шараға Ш.Уәлиханов атындағы «Жас Ұлан» арнайы ерлер мектеп-лицей-интернаты» КММ ұландары мен кітапхана оқырмандары қатысты.
Шараның шырайын қаламыздағы Мәдениет сарайының «Самұрық» тобының орындауындағы «Жеңіс күні» әні аша түсті.
Жеңістің 80 жылдығына арналған кең көлемді экспозициялық көрме өз оқырмандарын жыл бойы қарсы алады.