Кітапхана қызметіндегі инновациялық технологиялар: оқыту кеңестер топтамасы

  • 14.03.2014

2014 жылы 11-14 наурыз аралығында Шығыс Қазақстан облыстық Абай атындағы әмбебап кітапханасы кітапханашы мамандардың кәсіптік біліктілік шеберлігін жетілдіру мақсатында «Кітапхана қызметіндегі инновациялық технологиялар» оқыту кеңестер топтамасын ұйымдастырды.

Өткізілген уақыты: 11-14 наурыз 2014 жыл. Өткізілген орны: Шығыс Қазақстан облыстық Абай атындағы әмбебап кітапханасының Интернет орталығы. Қатысушылар: аудандық кітапханаларының кітапханашылары. Қатысушылар саны: 8. Шараның мақсаты: кітапхана қызметкерлерінің білімін кеңейту және кәсіби қызметтерінде қолдануын қадағалау. Күтілетін нәтиже: кітапханашылар алған білімдерін кәсіби қызметтерінде қолдану және өз шығармашылықтарын дамыту.

14

2014 жылы 11-14 наурыз аралығында Шығыс Қазақстан облыстық Абай атындағы әмбебап кітапханасы кітапханашы мамандардың кәсіптік біліктілік шеберлігін жетілдіру мақсатында «Кітапхана қызметіндегі инновациялық технологиялар» оқыту кеңестер топтамасын ұйымдастырды. Білім беру шарасына аудандық кітапханаларынан 8 кітапханашы маман қатысты. Қазіргі кітапхана қызметінің түрлі аспектілері болып табылатын «Кітапханалық сайт», «Кәсіби ақпараттарға шолу», «Кәсіби ақпараттық басылымдар дайындайтын бағдарламалар», т.б. тақырыптары 8 сағаттық оқыту кеңестердің арқауы болды. Оқу барысында кітапхана қызметінде жаңа технологиялардың тиімді тәсілдерін үйренуі түсіндірілді. Кітапханашы мамандарға Шығыс Қазақстан облыстық Абай атындағы кітапханасының ресми сайты (http://www.semeylib.kz) туралы ақпараттар берілді. Қазіргі таңда Интернетті қалай тиімді пайдаланудың маңыздылығы жайында, электронды библиографиялық дерекқорлар туралы қысқаша ақпарат берілді. Абай атындағы кітапханасы сайтының «Шыңғыстаудың үш шыңы», «Семей – Алаш Астанасы» және «Алаш арыстары» веб-рубрикаларымен ақпаратты іздеу тест жұмысы өткізілді. Кеңестер топтамасына дәстүрлі жұмысынан басқа «Кәсіби қызметте бағдарламалар қолдану», сондай-ақ «Құжаттарды кәсіби түрде безендіру», «Adobe Photoshop графикалық редакторы», «ABBYY FineReader бағдарламасы» деген сұрақтарды оқыту бағдарламасына енгізді. Кітапханашылар алған білімін өздерінің кәсіби қызметтерінде пайдалануына мүмкіндік алды. Өткізілген іс-шаралар кітапханашы мамандардың пайдланушыға қажетті ақпаратты өндеп, кәсіби түрде безендіріп, дер кезінде, жылдам тауып беруіне көмегін тигізеді деп сенеміз.