Шахмат турнирі

13-15 мамыр аралығында Облыстық Абай атындағы әмбебап кітапханасында «Невада-Семей» халықаралық антиядролық қозғалысы, қалалық шахмат федерациясы және Абай атындағы кітапханасы бірлесіп, Семей аймағының ең мықты шахматшыларының арасында турнир ұйымдастырып, өткізді.

Аталмыш шараға «Олжас Сүлейменов -80 жаста» атты кең көлемді кітап көрмесі жасақталып, шолу жасалды.

Турнирге қатысушылар үшін шахмат ойынының комбинациялары мен шахмат партиялары туралы басылымдар қойылып, арнайы дайындалған «Шахмат әлемі» атты басылымдар көрмесі үлкен сұранысқа ие болды.

Турнир өте тартысты өтіп, шахматшылар жақсы ойын өрнегін көрсете білді. Шара соңында барлық қатысушыларға сертификаттар мен мақтау қағаздары және арнайы жүлделер табысталды.