ҰБТ – қиын емес!!!: библиодесант

  • 19.05.2016

Жалпы білім беретін мектептердің түлектерінің бірыңғай ұлттық тестілеу тапсыруға санаулы уақыттары қалды. 19 мамыр күні Абай атындағы кітапхана қызметкерлері «Жанұя орталығы» қоғамдық қорымен бірлесіп Озерка ауылының Орта мектебінде мектеп бітіруші түлектерге арналып библиодесант өткізді.

Шараның мақсаты: оқушыларды бірыңғай ұлттық тестілеуге психологиялық тұрғыда дайындау, қорқыныш пен іштей қинаған сезімдерден құтылуға көмек көрсете отырып, бойларына сенімділік ұялату, дұрыс жол таңдай білуге үйрету және жасөспірімдер назарын кітап оқуға тарту. Ұлттық бірыңғай тест тапсыруға психологиялық көмек ретінде өткізілген іс-шара барысында 11-сынып оқушылары жалпы тест туралы ойларын ортаға салып, психологиялық сұрақтарға жауап беріп, сергіту жаттығуларын жасады.

021

Кітапханалық библиодесантты ұйымдастырушы кітапхана қызметкерлері орта мектептің мұғалімдері мен оқушыларына кітапхананың тарихы мен қызмет бағыттары және үйірмелер мен клубтардың жұмыстарымен таныстырды. Пән мұғалімдеріне оқу процессіне, сыныптан және мектептен тыс өтетін іс-шараларға көмек ретінде әдістемелік құралдар мен мерзімді басылымдар ұсынылды.
Библиодесант соңында мұғалімдер мен оқушыларына «Бір ел-бір кітап», «Дулат Бабатайұлы», «Даналық дариясы», «Абай кітапханасының сирек басылымдары», «Интернет орталығының қызметтері» тақырыбында дайындалған буклеттер, шорт-парақтар таратылды.