Дулат Бабатайұлы мұрасы: ақпараттық сағат

“Бір ел – бір кітап” республикалық акциясы жылдағы дәстүр бойынша өз жұмысын жалғастыруда. “Бір ел – бір кітап” акциясының жыл таңдауы бойынша биыл Дулат Бабатайұлының “Өсиетнама” кітабын оқитын болды..

Осыған орай 23 мамыр күні Абай атындағы кітапхана қызметкерлері қаладағы № 8 балалар үйінің тәрбиеленушілеріне Дулат Бабатайұлының шығармашылығын таныстыру мақсатында «Дулат Бабатайұлы мұрасы» атты ақпараттық сағат өткізді.

Іс-шарамыздың мақсаты – ХІХ ғасырдың алғашқы жартысында өмір сүрген кемел ақын Дулат Бабатайұлының шығармаларының өміршеңдігін, маңыздылығын, келер жас ұрпаққа түсіндіру. Сонымен қатар, оның толғаулары арқылы шынайылыққа, шыншылдыққа ұлттық және патриоттық сезімге баулу. Іс – шара барысында ақынның жекелеме өмір жайындағы өлеңдері оқылып, «Дулат ақын мұрасы» тақырыбында викториналық ойын ұйымдастырылды және белсенді қатысушыларға кітапхана атынан кітаптар сыйға берілді.

Аталмыш шара аясында тәрбиеленушілерге «Елдік пен еркіндіктің жаршысы» атты кітап көрмесі ұсынылып, онда Дулат Бабатайұлының туындылары жарық көрген кітаптар мен ғылыми-зерттеу мақалалары қойылып, слайд көрсетілді.

Біз барша қала тұрғындарын Дулат Бабатайұлының шығармаларын оқуға шақырамыз!