Нақты тұрағы жоқ жандар үшін кітапхана: акция
25 мамыр күні Абай атындағы кітапхана қызметкерлері «Тәуелсіздік мерейтойына – 25 игі іс» акциясы шеңберінде Қызыл Жарты Ай қоғамының Семей аймақтық филиалының емдеу мекемесінде «Нақты тұрағы жоқ жандар үшін кітапхана» акциясын өткізді.
Шараның мақсаты: қоғамда орын алған өзекті мәселелердің шешілуіне ат салысу, әлеуметтік емдеу мекемесінің емделушілерінің әлеуметтік мәртебесін қалпына келтіру және ақпаратқа қолжетімділігін арттыру. Акция барысында кітапхана қызметкерлері емделушілерге әртүрлі ғылым саласындағы қазақ және орыс тілдеріндегі көркем әдебиеттерді жиыны 70 кітапты сыйға тартты. Кітаптардың арасында шетел, орыс классикалық әдебиеті жазушыларының кітаптары бар. Шара соңында емдеу мекемеснің аға медбикесі Г.С. Такиева: кітап емделушілердің ішкі жан дүниесіне ерекше әсер етіп, көңіл-күйін көтеріп, қамықтырғыш ойлардан сейілтеді,- деп кітапхана қызметкерлеріне алғысын білдірді.