Ұлттың ұлы жыршысы: әдеби танысу сағаты
10 маусым күні Абай атындағы кітапханада «Бір ел – бір кітап» республикалық акциясы аясында Дулат Бабатайұлының өмірі мен шығармашылығына арналып, лингвистикалық мектеп-гимназиясы жанындағы жазғы лагерь балаларына «Ұлттың ұлы жыршысы» атты әдеби танысу сағатын өткізілді.
Шараның мақсаты: Дулат ақынның жырлары арқылы оқушыларды Отансүйгіштікке, ұлтжандылыққа тәрбиелеу, адамгершілік қасиеттерін қалыптастыруға баулу. Шара барысында балаларға акцияның шығу тарихы таныстырылып, ұлы ақын-жырау Дулат Бабатайұлының өмірі мен шығармашылығы туралы ақпарат берілді. Оқушылар ақын шығармашылығында елеулі орын алатын батырлар жыры үлгісіндегі, Отанды қорғауға арналған патриоттық мәні бар, «Өсиетнама» кітабына енген «Еспенбет» атты толғауынан үзінді оқыды. Балалар Д.Бабатайұлының орынсыз мақтаншақтықты, тойымсыздықты әшкерелеп, кішіпейілділікті, адамгершілікті, бірлікті уағыздайтын шығармалары туралы өз пікірлерін ортаға салды. Әдеби танысу сағатына қатысушылар адам бойындағы асыл қасиеттерді ардақтаған ақын өлеңдерінің тәрбиелік мәні бүгінге дейін жойылмағанына көз жеткізді. Шара соңында балаларға ақынның өмірі мен шығармашылығы туралы бейнефильм көрсетілді.