Жуванышев Тлеуғазы Рахымұлы – көркемсурет шебері, педагог. 1993 жылдан Шәкәрім атындағы Семей мемлекеттік педагогикалық институтында ИЗО (бейнелеу өнері) кафедрасында аға оқытушы. 2005 жылдан – ҚР Суретшілер одағының мүшесі, ҚР Дизайнерлер Одағының мүшесі.

2006 жылы Семей қаласы суретшілерінің Қазақстан Республикасының 15-жылдығына арналған   конкурсында «Живопись» номинациясы бойынша 2-орынды жеңіп алды.

2007 жылы Астанада өткен «АРТ Форум Наурыз-07» республикалық көрмесі, 2009 жылы – Қазақстан Суретшілер Одағы мүшелерінің Ә.Қастеев атындағы мемлекеттік музейде өткен республикалық көрмесі және тағы басқа көрмелерге қатысты.

2013 жылы Өскеменде, Катонқарағайда Оралхан Бөкеевтің 70-жылдығына арналған облыстық «АРТ пленэрге» қатысты.

Суретшінің еңбектері Семейдегі Невзоровтар отбасы атындағы музей, Ф. М. Достоевский атындағы музей және жеке коллекцияларда сақталған.

2016 жылы Қастеев атындағы «Үздік шығармашылдығы үшін» медалімен марапатталған. 2018 жылы «Қазақстан бейнелеу өнеріне қосқан үлесі үшін» медалімен, «Қазақстан Республикасы Суретшілер одағының 90 жылдығы» мерейтойлық медальдарымен марапатталған.

2017 жылдан бастап Семей қаласының көркем-өндірістік шеберханаларын басқарады. Ол көптеген пленэрлерді, жергілікті және республикалық жобаларды ұйымдастырды. Олардың ішінде ең жарқын жобалар: «Менің қалам Семей» қалалық пленэрі (2024 ж.), облыстық «Ертісім – еркіндік белгісі» пленэрі (2024).

2019 жылы Астана қаласы Суретшілер одағының «Құрмет» белгісімен, 2019 жылы Шәкәрім атындағы университеттің «Бейнелеу өнеріне сіңген еңбегі үшін» медалімен, 2021 жылы «Ерен еңбегі үшін» медалімен марапатталған. 2024 жылдың қыркүйек айында Тілеуғазы Рахымұлына «Семей қаласының Құрметті азаматы» атағы берілді.

 

Әдебиеттер:

 

«Семей қаласының құрметті азаматы» атағы берілді // Ертіс өңірі. – 2024. – 24 қыркүйек. – Б.12

«Семей қаласының құрметті азаматы» атағы берілді//  https://www.gov.kz/memleket/entities/abay-semey/press/news/details/850363?lang=ru

Жуванышев Тлеуғазы// https://esimder.pushkinlibrary

Ковтун Вадим. Как прошла церемония награждения // Спектр. – 2024. – 25 қыркүйек. – С.12-13