Маслов Юрий Архипович – спорт ардагері, ол көптеген танымал спортшылар, 15-тен астам спорт шеберлері және олимпиада ойындарының 2 қатысушысын дайындады. Юрий Архипович 1946 жылы 15 наурызда Семей облысы, Семей қаласында дүниеге келген. Н.К.Крупская атындағы Семей педагогикалық институтын бітірген.
Еңбек жолын 1960 жылы жұмысшы болып бастаған. 1969-1974 жылдар аралығында «Спартак» жасөспірімдер спорт мектебінде жаттықтырушы, мұғалім болып жұмыс істеді. 1974-1982 жылдары еңбек резервтері мәдениет үйінде жаттықтырушы-мұғалім, 1982 жылдан бастап зейнеткерлікке шыққанға дейін «Динамо» балалар спорт қоғамында жаттықтырушы, мұғалімдік қызмет атқарған.
Маслов Юрий көп жылғы жұмысында Семей өңірінде дене шынықтыру мен спорттың дамуына орасан зор үлес қосты. Салауатты өмір салтын насихаттай отырып, жалпы қалалық, облыстық іс-шараларға үнемі белсенді түрде қатысады.
Қала күні қарсаңында, 2024 жылдын 21 қыркүйегінде Юрий Архиповичке «Семей қаласының құрметті азаматы» атағы берілді.
Әдебиеттер:
«Семей қаласының құрметті азаматы» атағы берілді // Ертіс өңірі. – 2024. – 24 қыркүйек. – 12 б.
Ковтун Вадим. Как прошла церемония награждения // Спектр. – 2024. – 25 қыркүйек. – С.12-13
«Семей қаласының құрметті азаматы» атағы берілді// https://www.gov.kz/memleket/entities/abay-semey/press/news/details/850363?lang=ru