Біз бақытты балдырған: велошеру

1- маусым  Халықаралық  балаларды қорғау күні мерекесіне орай Абай атындағы  әмбебап кітапханасы балалар әдебиеті  бөлімінің қызметкерлері «Біз бақытты балдырған» атты велошеру өткізді.

Балдырғандарды таңғажайып оқиғалар әлемін бейнелейтін ұлы ертегішілердің туындылары,  оларға бала кездерінен таныс «Үйшік»,  «Қасқыр мен қоян», «Алдар көсе», т.б.  ертегілер,  «Табиғат ғажайыптары», «Хандар мен батырлар» сынды танымдық энциклопедиялармен, ойыншықтар,  шарлармен безендірілген  кітап көрмесі қарсы алып, мереке салтанатты велошеруге ұласты.

Шараға  №39 орта мектептің 7 «А» сыныбының оқушысы Базанова Аружан  «Бал балалық шақ» әнін, №20 орта мектебінің 5 «А»  сыныбының оқушысы  Асқарқызы Амина «Гәкку» әнін тарту етіп,  Рахымжанова Айманның орындауындағы  «Павлин» биін балалар зор қошеметпен қабылдады.  «Алтын сақа»  ән  студиясының өнерпаздары  Қайырбекова Нұрай мен Қазбек Әминалар өз өнерлерімен жас бүлдіршіндерді тәнті етті.

Ертегі кейіпкерлерінің костюмдерін киген кітапханашылар мерекеге қатысқан балалармен бірге би билеп, ән айтып,  эстафеталарға қатысып, балалармен фотосуретке түсіп,  мерекеге ерекше көңіл-күй сыйлайды.

Аталмыш шара соңында белсене қатысқан балалар алғыс хаттармен марапаталып,  «Отбасы  орталығы» қоғамдық қорының қызметкерлері бүлдіршіндер арасында лотерея ойнатып,  жеңімпаздарға сыйлықтар таратты.