Ел рәміздері – еркіндік нышаны: патриоттық сағат

2 маусым күні Абай атындағы кітапханада 4 маусым – Қазақстан Республикасы  Мемлекеттік рәміздеріне 25 – жыл толу күніне орай «Ел рәміздері – еркіндік нышаны» атты №37 мектеп – гимназияның «Балауса» жазғы балалар лагерінің тәрбиеленушілеріне патриоттық сағат өткізілді. Ұлтымыздың рухани тұтастығын Мемлекеттік әнұранмен басталған патриоттық сағат  мемлекеттік рәміздер жайлы толық  мәліметтер беріліп, слайд шолу арқылы баяндалды. Шара барысында оқушылар «Мемлекеттік рәміздердің белгілерін білесің бе?», «Тарихи күнтізбе» атты тақырыптық викториналараға,  Отан туралы  өлеңдер оқып, мақал – мәтелдер сайысына белсене қатысты. Балалар салтанатты түрде еліміздің рәміздерін сақтауға, тілін құрмет тұтуға, адал еңбек етуге ант берді. «Қазақстан Республикасы Мемлекеттік рәміздеріне – 25 жыл»  тақырыбындағы кең көлемді кітап көрмесі ұйымдастырылып,  шолу жасалды.

Мемлекеттік шараны  балалар «Көк ту және достар» атты мультипликациялық фильмді тамашалаумен және  патриоттық рух беретін Алмас Ахметбекұлы мен Ермұрат Зейіпханның «Көк тудың желбірегені» әнінмен аяқтады.

Кеш соңында,  лагерь демаушылары  кітапханаға жазылуға  ниет етіп, ризашылықтарын білдірді, белсене араласқан қатысушылар алғыс хаттармен марапаталды.