«Ел рәміздері – еркіндік нышаны»: ақпараттық сағат
3 маусым күні Абай атындағы кітапхана қызметкерлері Чернышевский атындағы №1 орта мектеп жанындағы «Солнышко» лагерімен бірлесіп, Қазақстан Республикасының Мемлекеттік рәміздеріне 25 жыл толуына орай, «Ел рәміздері – еркіндік нышаны» тақырыбында танымдық сағат өткізді. Мемлекеттік рәміздер — халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер. Осы тақырыпта оқушыларға мемлекеттік рәміздер жайлы презентация, бейнематериалдар көрсетіліп, сонынан танымдық викторина өткізілді. Балалар мемлекеттік ту, елтаңба, әнұранның авторлары мен рәміздердің негізгі элементтері туралы барлық сұрақтарға белсенді түрде жауап берді. Дұрыс жауапқа берілген жапсырма-күлегіштер ең белсенді қатысушыны анықтауға көмектесті. Олар: Хайбулин Анзор, Ярмухаметова София. Барлық балалар мемлекетіміздің құрылу тарихын, халқымыздың салт-дәстүрлері мен құндылықтарын, мемлекеттік рәміздерді жақсы білетінін көрсетті. Мемлекеттік рәміздер – еліміздің тәуелсіздігі мен егемендігінің бейнесі. Жас ұрпақ болашағын құру үшін, өткенді есте сақтау керек.
