Кешегі Алаш – бүгінгі Тәуелсіз Қазақстан – ертеңгі рухани жаңғыру: танымдық сағат
Алаш қозғалысының 100 жылдығына орай Абай атындағы кітапхана қызметкерлері қаламыздағы «Аналар Кеңесі» қоғамдық ұйымымен бірге Семей колледжінің 3 курс студенттері – болашақ дизаинерлермен «Кешегі Алаш – бүгінгі Тәуелсіз Қазақстан – ертеңгі рухани жаңғыру» тақырыбы аясында танымдық сағат өткізіп қайтты. Шараға кітапхана қызметкерлері «Алаштың асыл мұралары» атты ұлт зиялыларының қазіргі заманда баспа көрген шығармаларынан кітап көрмесін ұйымдастырып, «Абай атындағы кітапхананың сирек басылымдар қорындағы ұлт зиялыларының еңбектері» тақырыбында дәріс оқыды. Студенттер тақырыпты талдауда белсенділік танытып отырды. Қазақ халқының басына түскен нәубетте қуғын-сүргін құрбаны болған, ел тәуелсіздігі үшін күрескен арыстарымызды жас ұрпақ санасына сіңіру, олардың шығармашылығымен таныстыру үшін өткен шараны «Біз Қазақстандықтар, біз өз жерімізді сүйеміз, біз өз Отанымызды сүйеміз, біз Мәңгілік Елде өмір сүруге лайықтымыз!»- деген флешмоб қорытындылады.
