Әлемдік көзқарастар, ЭКСПО жетістіктері: ақпараттық сағат
14 маусым күні Абай кітапханасы қызметкерлері «ЭКСПО- 2017» көрмесінің ашылу салтанатына орай «Әлемдік көзқарастар, ЭКСПО жетістіктері» тақырыбында ақпараттық сағат ұйымдастырды. Шара барысында Бүкіләлемдік көрме жайында қызықты фактілер мен оқиғалар және Халықаралық көрмелер бюросының жұмыстары жайында көптеген мәліметтер беріліп, көрменің маңыздылығы жағынан ірі экономикалық форумдармен, туристік тартымдылығы бойынша әлемдегі ең танымал спорттық ойындармен салыстыруға болатындығы айтылды. «Болашақ энергиясы» ЭКСПО-2017 көрмесі тұрақты энергия көздерін дамытуға, энергия үнемдеу сенімділігі мен тиімділігін арттыруға бағытталған стратегияларды, бағдарламалар мен технологияларды зерттеуге бейімделгендігі туралы айтылды. Қатысушылар көрме логотипімен таныса отырып, Малайзия, Швейцария, Гонгонг және т.б. елдер ұсынған әртүрлі экспозицияларға өзіндік көзқарастарын білдіріп, «Бұл көрме бүкіл әлемдік қоғамдастықтың және оны тамашалаушы миллиондаған адамның назарын өзіне аударатын ірі оқиға болып саналады» деген ой- пікірлерімен тарқасты.
