Террор құрбаны – балалар: ақпараттық сағат
15 маусым күні Абай атындағы әмбебап кітапханасы балалар әдебиеті бөлімінің қызметкерлері балаларға лаңкестік әрекеттердің қаупі төніп тұрған жағдайда қандай әрекет және сақтық шараларын жасау керектігін түсіндіру мақсатында №37 мектеп-гимназиясының «Балауса» жазғы лагерінде тәжірибеден өтіп жүрген тәрбиешілерге «Террор құрбаны – балалар» атты ақпараттық сағат өткізді.
«Терроризм қаупі» туралы деректі бейнероликті көрумен басталған шарада тәрбиешілер топқа бөлініп жұмыс жасады, жарылғыш құрылғылардың белгілері, террористік қауіптіліктің деңгейлері, терроризм актісінің қаупі, діни секталардың таралуы, телефонды терроризм жайында пікірталасқа қатысып өз ойларын ортаға салды. Тәрбиешілерге кітапхана қызметкерлерінің қатысуымен түрлі террорлық жағдаяттар көрініс ретінде көрсетілді.
Шара соңында экстремизм мен терроризмнің таралу себептері, оған қарсы әрекет түрлерінің алдын алу шараларын түсіндіретін шорт парақтар таратылып, қатысушылар Әбләхат Еспаевтың «Бейбітшілік сақталады» әнін бірге шырқады.
