Мерейлі қала – Астанам!: электронды саяхат

2017 жылы 4 шілде күні Абай  атындағы әмбебап кітапханасында дәстүрлі 6- шілде Астана күніне орай «Мерейлі қала – Астанам!» тақырыбында электронды саяхат өткізілді.  Шараның мақсаты: пайдаланушыларға  Астана туралы мағлұмат беру, елордамыз Астананың көрікті орындарымен таныстыру, отансүйгіштікке,  Отанын қадірлеуге үйрету, ұлттық патриотизм рухында тәрбиелеу. Аталмыш шараға кітапхана пайдаланушылары мен кітапхана қызметкерлері қатысты. Қатысушыларға Астананың  тарихы туралы ақпарат беріліп, «Туған күніңмен, Астана!» атты бейнекөрсетілім көпшілік назарына ұсынылды. Іс- шарада  «Астана – бас қалам!» атты кітап көрмесіне шолу жасалды. Көрмеге Астанананың өткені мен болашағы жайында сыр шертетін ғаламтор ақпараттары мен кітапхана қорындағы кітаптар қойылды. Шара соңында  келушілер бейнекөрсетілім жайында өз ой-пікірлерін ортаға салып, болашақтың қаласы Астананың әлі де көркейіп, өркендеп өсуіне кәміл сенетіндіктерін айтып, тарқасты.