Астана – Еуразияның жүрегі: кинозал

Астана күні мерекесіне орай Абай атындағы әмбебап кітапхана қызметкерлері Семей қаласының қарттар мен мүгедектерге арналған жалпы үлгідегі медициналық-әлеуметтік мекемесіне барып, «Астана – Еуразияның жүрегі» тақырыбында кинофильмдер топтамасын көрсетіп қайтты.

6 шілде күні елімізде жыл сайын Астана күнін атап өту дәстурге айналды. Егемендігіміздің алғашқы жылдары Елбасы Н.Назарбаевтың бастамасымен елорданы Алматыдан Ақмолаға көшіру туралы қаулысы шыққан болатын. 1998 жылы 10 шілде Қазақстанның жаңа елордасы – Астананың тұсауы кесілді. Кино көрсетілім барысында еліміздің Бас қаласының әр жылдардағы бастан кешкен тарихи кезеңдері туралы, жаңа ғасырда тұғырын биіктететіп талай жетістіктерді бастан кешірген Астана жайлы өзекті мағлұматтар берілді. Шара қатысушыларының назарына Президент телерадиокомпаниясының бастамасымен орыс тілінде шыққан қала тарихы мен мәдени орындарынан сыр шертетін «Чудо в степи» атты фильм ұсынылды.

Қатысушылар қазіргі таңда Астана қаласында өткізіліп жатқан, бүкіл әлем көз тіккен халықаралық маңызы зор «ЭКСПО-2017» көрмесі туралы танымдық дәрісті тыңдап, «Болашақ энергиясы» атты бейне-көрсетілімді тамашалады.