Латын қаріпті кітаптар: кітап көрмесі

  • 17.11.2017

17 қараша күні Абай атындағы кітапхана қызметкерлері «Тілге құрмет-елге құрмет» атты өзге ұлт өкілдеріне арналған облыстық білім байқауының қатысушыларына «Латын қаріпті кітаптар» атты кітап көрмесін ұйымдастырды.

Шара барысында сирек басылымдар қорындағы сақталған 1929-1940 жылдар аралығында жарық көрген басылымдар таныстырылып, шолу жүргізілді. Мұнда 1929-1940 жылдары басылған әліппеден бастап, жаратылыстану, химия, анатомия, жағрафия сияқты пәндік кітаптар және А.Құнанбаев, С.Торайғыров, М.Әуезов, І.Жансүгіров, Б.Майлин, С.Мұқановтардың латын қаріптерімен терілген шығармалары көпшілік көзайымына ұсынылды.

Студенттер ХҮІІІ-ХХ ғғ. әлем әдебиетінің шедеврлерін тамашалап, аса қызығушылықпен Ұлы ақын Абай оқыған кітаптарды өз көздерімен көріп, таңқалысты.