Сүйікті ертегілерді оқимыз, көреміз!: бейнекөрсетілім

Мүмкіндігі шектеулі балаларға қызмет көрсету кітапхана қызметінің негізгі бағыттарының бірі болып табылады. Кітапхана қабырғасында олар жай ғана демалып қана қоймай, сонымен қатар жаңа достар тауып, өз уақыттарын қызықты әрі пайдалы етіп өткізе де алады. 19 маусым күні Абай атындағы кітапханада ШҚО «Семей қаласының арнаулы әлеуметтік қызметтер көрсету орталығы» КММ «Сүйікті ертегілерді оқимыз, көреміз» атты бейнекөрсетілім тамашалады. Шараға қатысушыларға ертегі әлемінің тарихы, түрлері туралы қысқаша мағлұматтар берілді.

Балалар «Қажымұқан» ертегісін тамашалағаннан кейін, қазақ ертегілері, халық әндері мен күйлері топтастырылған бабаларымыздың бізге жеткен бай рухани мұраларын бүгінгі және келешек ұрпаққа жаңаша үлгіде насихаттайтын электронды қазақ үйден «Алпамыс батыр», «Жақсылық пен жамандық», «Алтын сақа» атты ертегілерді тыңдап, өздеріне тәрбиелік – эстетикалық мәні бар ақпарат алды.

Іс-шара сонында балаларға әртүрлі ертегі кейіпкерлерінен маска кигізіліп «Ормандағы аңдар», «Жеті лақ», «Шалқан» ертегілерінен үзінділер келтіріліп, викториналық ойындар ойнатылды. Тәрбиелік мәні бар қазақ және әлем халықтарының ертегілерінен тұратын «Ертегілер еліне саяхат» атты кітап көрмесіне шолу жасалынды.