Тілім менің-тағдырым: танымдық сағат

19 қыркүйек күні Абай атындағы кітапхана қызметкерлері «Жастар» колледжімен бірлесе отырып колледждің 1 курс  студенттеріне Қазақстан халықтары тілдері күніне орай, қазақ тілінің мәдениетін, ұлылығын, биік парасатын таныту мақсатында  «Тілім менің-тағдырым!» атты танымдық сағатын сайыс түрінде ұйымдастырды.

Шара  «Үміт»,  «Болашақ» және «Жастар» командасынан құрылған  сайыс түрінде өткізілді. Қатысушылар тақырыпқа байланысты берілген бейнесюжетті кластер әдісімен өз ойларын әсерлі жеткізіп, плакатқа бейнелей отырып, өлең жолдарын мәнерлеп оқып толықтырды. Әр топқа берілген тапсырманы уақыт талабына сәйкес қорғап шығу міндеттелді. Сайыс қорытындысы шығарылып,  «Үміт» командасы жеңімпаз атанды. Шара соңында барлық топтар алғыс хаттармен марапатталды.

Кітапхана қызметкерлері «Тіл тағдыры – ел тағдыры»  атты кітапхана қорынан алынған тіл мәселесіне қатысты әдебиеттер мен мерзімді басылымдар беттерінде жарияланған кітап көрмесін ұсынды. Көрмеде қазақ тілін құқықтық тұрғыдан бекіткен «Қазақстан Республикасындағы тіл туралы» Заңы мен заң актілері, «Тілдерді қолдану мен дамытудың 2011-2020 жылдарға арналған мемлекеттік бағдарламасы» Қазақстан азаматы үшін бұлжытпай орындалуға тиісті құжаты болып табылатындығы жайында  мағлұматтар берілді.