Технодом: қайырымдылық сыйы
Міне, екі жыл қатарынан «Технодом» Сауда үйі ШҚО Абай атындағы әмбебап кітапханасына Жаңа Жыл мерекесі қарсаңында қайырымдылық көмек ретінде сыйлық сыйлауда, өткен жылы мүмкіндігі шектеулі жандарға арналған «Объектив» фотоклубына арналған фотоаппараттар болса, биылғы жылы фотоклубтың толыққанды жұмыс жасауы үшін суреттерді басып шығаруға арналған фотопринтер сыйлады.
Енді фотоклуб мүшелері өздерінің жасаған фотосуреттерін басып шығарып, фотокөрмелер ұйымдастыру мүмкіндігіне ие болып отыр. Клуб ашылғаннан бастап қатысушылар көптеген сапалы фотосуреттер түсірген болатын, табиғат және туған өлке тақырыбында көшпелі фотосессиялар ұйымдастырылған, клуб мүшелері туған қаланың тыныс-тіршілігі туралы эссе жазып, сол эсселері өздері түсірген фотосуреттерімен бірге мерзімді басылымдар беттерінде жарық көрді.
Абай кітапханасы «TechnodomOperator» АҚ президенті Исмаилов Ренат Рафикович мырзаға, ішкі байланыс бөлімінің басшысы Цой Лев Николаевич мырзаға, «Технодом» СҮ Семей қ. бөлімшесінің қызметкерлеріне және фотоклубтың кезекті отырысында фотопринтерді ұсынған жекелей Алексей және Сергей мырзаларға үлкен алғыс білдіреді.