Мейірімділік аптасы: волонтерлық слет

  • 16.03.2016

2016 жылдың 16 наурызында Абай атындағы кітапханада «Исток» ҚБ бірлесіп қаладағы еріктілер тобының слеты болып өтті.

Бұл слет 1997 жылдан бастап жыл сайын дәстүрлі түрде өткізілетін көктемгі мейірімділік аптасына арнайы дайындық жұмыстарына байланысты ұйымдастырылды. Мейірімділік аптасының басты іс-шарасы – қайырымдылық акциясы – 30 наурыз күні сағат 1700-де қаламыздың Орталық алаңында өткізілмек. Ауру балалары бар отбасыларға көмек көрсету, салауатты өмір салты, экология және адам құқығы туралы сұрақтарға жауап беру – акцияның басты мақсаты болып табылады. Осы акцияға біздің кітапхана белсенді түрде ат салыспақ, барлық дайындық жұмыстары кітапхана қабырғасында өткізіледі.

16
Дайындық слетына Медицина университеті, Шәкәрім атындағы СМУ, медициналық, педагогикалық колледждерің, көлік колледжі, радиотехника және байланыс колледждері студенттерінен құралған волонтерлық топтардың көшбасшылары қатысты. Шараға қатысушылар мейірімділік аптасының іс-шаралар жоспарын талқылап, ауру балалар мен колонияларда жазасын өтеп жатқан адамдарға бару жұмыстарын алға қойды.