Түркі халықтарының көктем мерекесі – Наурыз: этно – көрме

  • 18.03.2016

2016 жылы 18 наурыз күні Абай кітапханасының оқырмандарға қызмет көрсету бөлімі қызметкерлері айтулы ұлы күн жыл басы – Наурыз мейрамына арнап «Түркі халықтарының көктем мерекесі – Наурыз» атты этно – көрме ұйымдастырды.

18

Іс-шаралық көрмеге кітапхана қорындағы Наурыз мейрамына қатысты әртүрлі кітаптар, ғаламтор және мерзімді басылым беттерінен мақалалар мен қолөнер бұйымдары қойылды. Көрмеге Халықтар достығы үйінен «Казак мәдени орталығы» мүшелері қатысты. Оларға көрмеге қойылған әрбір қолөнер бұйымдарының қалай жасалатындығы, ол бұйымдардың өмірде қолданысы және кітаптарда жазылған қазақы дәстүр мен мәдениет, салт- дәстүр жайында жекелеме шолулар жасалды.

Казак мәдени орталығының мүшелері арнайы ұйымдастырылған көрмеге өз қызығушылықтарын білдіре отырып, қолөнер бұйымдарына ерекше назар аударды. Олар бұндай бұйымдардың мәдениетте алар орыны ерен екендігін білетіндіктерін және қазақ ұлтының көңілі дархан қонақжай халық екендіктерін де тілге тиек етті. Келген қонақтар барша ұлтты бауырына басып, өз баласындай көріп, барды теңге бөлген Қазақ еліне зор алғыстарын білдіре отырып, келе жатқан ұлыстың ұлы күні Наурыз мейрамымен құттықтады.

Аталмыш көрмеге қатысушы кітапхана қонақтар мен пайдаланушылары қазақы дәстүр бойынша құшақ айқастыра отырып мерекемен бір-бірлерін құттықтасып, ыстық лебіздерін білдірді.

Ұлы мейрамға қатысты этно-көрме ай соңына дейін өз жалғасын таппақ.