Қош, келдің әз Наурыз!»(наурыз мейрамын тойлау дәстүрі): ақпараттық-танымдық сағат

  • 18.03.2016

18 наурыз күні Абай атындағы әмбебап кітапханада ұлттық мейрамымыз – Наурыз мерекесіне орай «Қош келдің, әз Наурыз! » атты ақпарттық- танымдық сағат өткізілді.

23

Шараға Қазақстан Ұлттық Ассамблеясының мүшелері «Казаки Прииртышья» казак мәдени орталығының өкілдері, «Шебер қолдар »сәндік -қолданбалы үйірмесінің жетекшісі, қолөнер шебері Ақлия Сәдуақасқызы, Ұлбар Сәрсенбина, М.О.Әуэзов атындағы педагогикалық колледж студенттері, оқырмандар, өзге ұлт өкілдері де қатысты.

«Казаки Прииртышья» мәдени орталығының өкілдері өздерінің салт-дәстүрлерін көрсетіп, ұлттық биін билеп, әннен шашу шашты. № 30 мектеп-гимназиясының 3 сынып оқушысы Алима Нұрболатқызы үнді биімен кеш сәнін келтірсе, педагогикалық колледжінің студенттері Кудербаева Фарида мен Токенова Мөлдір « «Анашым» әнін нақышына келтіре орындап, мерекелік көңіл күй сыйлады.
Қатысушыларға «Наурыз-достық пен гүлденудің мерекесі» тақырыбында кітап көрмесі ұйымдастырылып, шолу жасалды. Кітапханашылар Наурыз мерекесінің мән мағнасына тоқталып, «Келді көктемім –Наурыз!» тақырыбында слайд-шоу ұсынды.

Мереке қонақтарына дәстүрлі қазақы дастархан жайылып «Наурыз көже» ұсынылды.

Іс – шара өзінің танымдық тартымдылығымен, рухани құндылығымен көрермен жүрегінен жол таба білді.