Менің тұңғыш Президентім: танымдық сағат

10 қараша күні Абай атындағы кітапхана қызметкерлері Қазақстан Республикасының тұңғыш Президенті күні мерекесі қарсаңында №8 балалар үйінің тәрбиеленушілеріне Елбасының өмірі мен тұлғалық қасиеттері жайында кең көлемді ақпарат беретін «Менің тұңғыш Президентім» атты танымдық сағат өткізді.

Аталмыш шара мемлекеттік әнұранды орындаумен басталып, Елбасының балалық шағынынан ұлт көшбасшыға дейінгі өнегелі өмірі қамтылған «Менің балалық шағымның аспаны» атты көркем фильм көрсетілді, арнайы дайындалған тақырыптық викторина ойнатылды. Балалар фильмнен алған әсерлерімен бөлісіп, ал викториналық ойынға белсене қатысқан С. Костин, С. Абильмажинов және С. Кузнецов бағалы сыйлықтарға ие болды. Шара соңында «Елбасы – кемеңгер көшбасшы» атты кітап көрмесіне шолу жасалынды.