Мүгедектерді қоғамға бейімдеу: тұсаукесері
2013 жылыдың 3 қазан күні Шығыс Қазақстан облыстық Абай атындағы әмбебап кітапханасы мерейтойы күні кітапхана қабырғасында «Книгоноша» және «Библиокөмек» атты мүгедектерге қызмет көрсету бойынша кітапханалық екі әлеуметтік жобаның тұсаукесері өтті.
Өткізілген уақыты: 3 қазан 2013 жыл. Өткізілген орны: Шығыс Қазақстан облыстық Абай атындағы әмбебап кітапханасы. Қатысушылар: әкімшілік өкілдері, қала жұртшылығы, мүгедектер бірлестігінің өкілдері, мүгедектер, Шығыс Қазақстан облыстық Абай атындағы әмбебап кітапхана қызметкерлері. Қатысушылар саны: 42 адам. Іс-шара мақсаты: қала жұртшылығын кітапхананың мүгедектерді әлеуметтік бейімдеу бағдарламаларымен таныстыру. Күтілетін нәтиже: қоғам назарын мүгедектерді қоғамдық ортаға әлеуметтік-мәдени бейімдеудің мәселелеріне аудару.
2013 жылыдың 3 қазан күні Шығыс Қазақстан облыстық Абай атындағы әмбебап кітапханасы мерейтойы күні кітапхана қабырғасында «Книгоноша» және «Библиокөмек» атты мүгедектерге қызмет көрсету бойынша кітапханалық екі әлеуметтік жобаның тұсаукесері өтті. Қазіргі ауыспалы заманда кез келген кітапхана бір орында тұрып қалмау керек, сондықтан кітапхана қызметкерлері халықпен, тұрақты оқырмандармен жұмыс істеудің жаңа түрлерін енгізеді. Бұл мақсатта кітапханада «Книгоноша» и «Библиокөмек» атты әлеуметтік жобалар жасалып, іске қосылды. Бұл жобалардың тұсаукесері әкімшілік өкілдері мен қала жұртшылығы, мүгедектер бірлестігі мен БАҚ назарына ұсынылды.
Жобаның тұсаукесеріне ішкі саясат бөлімі басшысының орынбасары Садырбаев А.С., жұмыспен қамту және әлеуметтік бағдарламалар бөлімінің басшысы Жумабай К.А., жұмыспен қамту бөлімінің маманы Майшекина Л, Семей қаласы мүгедектері бірлестігі «Көмек»» ассоциациясы нысанындағы заңды тұлғалар бірлестігінің президенті Дутбаев К., «Шырақ» мүгедек әйелдер Ассоциациясы филиалының директоры Кисметова Л.К., «Тіршілік үміті» мүгедектердің қоғамдық бірлестігі өкілі Шабақбаева Р.К, «Книгоноша» жобасы бойынша оқырмандар арбалы-мүгедектер Азимжанова Б.Н., Рябчун А.А., Кусаинова М.К., тұрақты көмекші-жүргізуші ІІІ топтағы мүгедек Фоминов Н.Ф., «Библиокөмек» жобасындағы компьютерлік сауаттылық білім беру бағдарламасының тыңдарманы Ахметова А.С. қатысты.
Кітапхананың мүгедектерге көрсететін әлеуметтік көмегі, ең алдымен, мүмкіндігі шектеулі жандарға қоғамдық маңызды ақпараттарды беру, сұраныстағы кітаптарды таңдауға көмектесу, ұсыну және жеткізу болып табылады. Кітапханашы әр түрлі кітаптардың көмегімен дене мүшесінде кемшілігі бар адамдардың көңілін өздеріне қолайлы кәсіппен айналасуға аударады.
Жобаның мақсаты –мүмкіншілігі шектеулі жандардың конституциялық құқығын жүзеге асыру. Кітаптарды және басқа да ақпарат көздерін қолдану арқылы рухани мәдениетке араластыру. Қоғамдық ортаға бейімдеу.
2013 жылдың 10 қыркүйегінен Абай атындағы кітапханасы арбалы-мүгедектерге үйлерінде кітапханалық қызмет көрсету үшін «Книгоноша» әлеуметтік жобасын бастады. Кітапхана қызметкерлері әзірше 28 адамның, яғни «Жұмыспен қамту және әлеуметтік бағдарламалар» ММ берген тізімнің 4,3%, үйлеріне барып қызмет көрсетеді.
Кітапхананың әлеуметтік-мәдени бағдарламасы мүмкіндігі шектеулі тұлғаларға арналған компьютерлік орталық, ағылшын тілін үйрету бағдарламасы, фотосурет студиясы, спорттық секцияларды ұйымдастырып отыр.
Жоба аясында 2013 жылдың 30 қыркүйегінен бастап мүгедек адамдарды компьютерлік сауаттылыққа үйрететін бағдарлама басталды. Компьютерлік орталықтың негізгі қызметтері: қолданушы деңгейінде компьютерді игеру, компьютерде толығымен жұмыс істеуді үйрету, Интернет-технологияларды қолдануды үйрету, шетел мүгедектерімен қарым-қатынас жасау үшін Интернет желісін қолдану, Интернет желісінде мүгедектердің білім алуы жайлы ақпаратты орналастыру. Орталық жұмысының негізгі бағыттары: ДК, Интернетпен жұмыс жасаудың негізін салу; электрондық пошта, Adobe Photoshop, MS Word, Ms Excel бағдарламаларымен және Ms Office-тің басқа да қосымшаларымен жұмыс жасау; графика, веб-әрлеу негіздерімен таныстыру. Үйрету тренингтер, курстар, семинарлар, практикалық сабақ ретінде жүргізіледі.
Іс-шара барысында «Книгоноша» и «Библиокөмек» жобаларының проблемалары және оларды шешу жолдары: арбалы-мүгедектерге үйлеріне барып қызмет көрсету үшін тұрақты көліктің жоқтығы; арбалы-мүгедектерді кітапханаға жеткізу үшін инвотаксидің, спорттық құрал-жабдықтар (дойбы, шахматтар, тоғыз құмалақ, нарда, үстел тениссі, үстел теннисіне арналған жиынтық, теннис шарлары) жоқтығы және білім беру бағдарламаларын (компьютерлік сауаттылық, ағылшын тілі курстары) және фотосурет үйірмелерін ұйымдастыру үшін: компьютерлер, модем, лицензиялы бағдарламалық жасақтама, проектор, зағип жандарға арналған «Брайлевские» бағдарламасы, презентациялық техника, Интернетке қосылу және шексіз трафик, фотоаппараттар, фотоқағаз, фотопринтерлердің қажеттілігі талқыланды.