Елдің Негізгі Заңы: ақпарат сағаты
4 тамызда Абай кітапханасында Қазақстан Республикасы Тәуелсіздігінің 30 жылдығы қарсаңында теміржол полициясы қызметкерлері үшін «Елдің Негізгі Заңы» атты ақпарат сағаты өткізілді.
1995 жылғы 30 тамызда жалпыхалықтық референдумда қабылданған еліміздің Негізгі Заңы мемлекеттің өмірін сараптап, оның тәуелсіздігін бекітеді, азаматтардың өз құқықтары мен бостандықтарының сақталуына кепілдік береді, олардың міндеттерінің аясын айқындайды.
Біздің еліміз саяси дамудың күрделі жолынан өтті, оның тамыры ғасырлар қойнауында жатыр. Сондықтан, іс-шара барысында ежелгі дәуірден бастап XXI ғасырдың зерттеулеріне дейін еліміздің конституциялық заңнамасының даму тарихына шолу жасалды.
Тыңдаушылар Тәуке ханның тұсындағы бірінші дала Конституциясы «Жеті жарғының» енгізілу тарихымен және 17-18 ғасырларда қазақ даласындағы болған қоғамдық күрделі мәселелерді реттеу үшін құрылған 1926, 1937, 1978 жылдардағы Конституциялардың бөлімдермен танысты.
Сонымен қатар кітапхана мамандары еліміздің тәуелсіздік кезеңінде қабылданған Конституцияларға басты назар аударды. Бұл 1993 жылғы Тәуелсіз Қазақстанның алғашқы Конституциясы және 1995 жылғы 30 тамызда бүкілхалықтық референдумда қабылданған Қазақстан Республикасының қолданыстағы Конституциясы. Іс-шараға қатысушылар Қазақстан Республикасының Негізгі Заңының мемлекеттік маңыздылығы, құрылымы мен рөліне туралы жан-жақты ақпараттар алды.
Сондай – ақ, «30 тамыз-Қазақстан Республикасының Конституция Күні» атты кітап көрмесіне шолу жасалды. Бұл конституциялық заңдар, Конституцияның қабылдануы мен рөлі, қазақстандық мемлекеттілікті нығайту туралы әдебиеттер. Мәдени шараға қатысушылар Ө. Қопабаевтың «Ата Заң – мемлекет дамуының іргетасы», «Қазақстан Республикасының мемлекеттік рәміздері тәуелсіздік нышандары», «Қазақтың ата заңдары, «Өмірі Заңмен өрілген: Нағашыбай Шәйкенов жайлы естелік», Ғ.Сапарғалиевтың «Конституционное право Республики Казахстан», «Конституционные законы Республики Казахстан», Ж.С. Атжанованың «Роль органов Конституционного контроля в реализации конституционной ответственности» кітаптар мен фотоальбомдарға ерекше назар аударды.
